Napier

Napier, is 'n klein dorpie in die Overberg in die Wes-Kaap, Suid-Afrika. Die dorp wat langs die Soetmuisberg gelë is word omring deur golwende koring en garslande. Dit is gestig in in 1838 na aanleiding van 'n dispuut tussen twee bure, Michiel van Breda en Pieter Voltelyn van der Byl, oor die ligging van die gemeenskapskerk. Dit het daartoe gelei dat twee kerke opgerig is in twee verskillende dorpe, Napier, en Bredasdorp. Napier is vernoem na die destydse goewerneur van die Kaapkolonie, Sir George Thomas Napier. Aan die begin van die 20ste eeu het gouddelwers op die plaas Hansiesrivier geprospekteer en is die Napier Gold Mining Company gevestig. Hoewel aandele uitgeryk is het dit selgs 'n kortsondige bestaan gehad. Die dorp het tans ongeveer 2 500 inwoners. Behalwe vir die Nederduits Gereformeerde kerk is daar ook heelwat winkels en ander besighede insluitend 'n paar restaurante en kafees. Die aangename mengsel van eeue oue huisies en meer moderne huise en die landelike atmosfeer het daartoie gelei dat die dorpie 'n gewilde naweekbestimming geword het vir stadsinwoners.

Eksterne skakels

• Napier op [View Overberg