Quebecstad: Verskil tussen weergawes
k Beeld van Wikimedia Commons bygevoeg |
k Skakel: Frans (taal) |
||
| Lyn 1: | Lyn 1: | ||
'''Québec''' (Frans: ''Ville de Québec'') is die hoofstad van die gelyknamige Kanadese provinsie. Met sy 682 000 inwoners (2001) is dit op een na die grootste stad van hierdie [[Franse taal|Frans]]talige provinsie - en ook die enigste in [[Noord-Amerika]] wat versterk is. Die stad lê bo-op Cap Diamant aan die oewer van die Saint-Laurentrivier. ''Vieux Québec'' (Ou-Québec) is deur die UNESCO tot [[wêrelderfenisgebied]] verklaar. |
'''Québec''' ([[Frans (taal)|Frans]]: ''Ville de Québec'') is die hoofstad van die gelyknamige Kanadese provinsie. Met sy 682 000 inwoners (2001) is dit op een na die grootste stad van hierdie [[Franse taal|Frans]]talige provinsie - en ook die enigste in [[Noord-Amerika]] wat versterk is. Die stad lê bo-op Cap Diamant aan die oewer van die Saint-Laurentrivier. ''Vieux Québec'' (Ou-Québec) is deur die UNESCO tot [[wêrelderfenisgebied]] verklaar. |
||
Die stad het 'n pragtige hawe aan die St. Laurentrivier. Plaaslike nywerhede verwerk produkte van die omgewing soos hout en voedsel. |
Die stad het 'n pragtige hawe aan die St. Laurentrivier. Plaaslike nywerhede verwerk produkte van die omgewing soos hout en voedsel. |
||
Wysiging soos op 03:06, 27 April 2005
Québec (Frans: Ville de Québec) is die hoofstad van die gelyknamige Kanadese provinsie. Met sy 682 000 inwoners (2001) is dit op een na die grootste stad van hierdie Franstalige provinsie - en ook die enigste in Noord-Amerika wat versterk is. Die stad lê bo-op Cap Diamant aan die oewer van die Saint-Laurentrivier. Vieux Québec (Ou-Québec) is deur die UNESCO tot wêrelderfenisgebied verklaar. Die stad het 'n pragtige hawe aan die St. Laurentrivier. Plaaslike nywerhede verwerk produkte van die omgewing soos hout en voedsel.
Geskiedenis
Samuel de Champlain het die plek van die huidige stad 1608 as 'n onneembare vesting beskou en die eerste gebou opgerig wat vinnig tot 'n dorp en later tot 'n stad gegroei het. Louis Hébert, die eerste Kanadese setlaar, het sy huis by die Huroonse dorp Stadacona opgerig. In die somer van 1759 is die stad deur die Britse Generaal James Wolfe beleër. Met die kapitulasie van die Franse Generaal Marquis de Montcalm op die Abraham-vlaktes het die doodsklok vir Nieu-Frankryk gelui. In die Verdrag van Parys (1763) het Frankryk die kolonie aan die Britse Kroon afgestaan. Die Britte het die versterkings herbou en die Citadel van Québec opgerig om die stad teen Amerikaanse troepe te verdedig. Die laaste slag is 1775 geveg; Britse troepe het toen 'n Amerikaanse leër onder die bevel van Benedict Arnold teruggeslaan. In daardie tyd het die stad sy huidige verskyning gekry met klein Noormanniese huisies, Engelse kerke, neoklassieke en Victoriaanse geboue. Die reusagtige Château Frontenac is in 1893 opgerig en gee die stad vandag nog 'n middeleeuse inslag.
Universiteit
Die grootste deel van die Université Laval het in 1950 na die voorstad Sainte-Foy verhuis. Tans is daar sowat 35 000 studente (sowat 2 000 van hulle is Franstalige studente uit Amerika, Europa enAfrika). Die universiteit speel 'n belangrike rol by die studie en bevordering van die Franstalige kultuur in Noord-Amerika.
Besienswaardighede
- Die Afrikaanstalige besoeker het hier die geleentheid om die enigste Europese gemeenskap naas die Afrikaners te leer ken wat gedurende die 18de eeu soos die Kaap onder Britse bewind gekom het. Nietemin kan hy sy kulturele onafhanlikheid nog trots bewaar. Die argitektuur is dalk nog regtig Frans nog regtig Engels, maar Ville de Québec is beslis die kulturele hoofstad van die Frankofone Amerika. Die somer is die hoogtepunt van talle kulturele feeste terwyl die winter die tyd is om Kersfees in 'n sprokieswêreld van ys en sneeu te vier.
- Place d'Armes met sy neogotiese fontein lê in die hart van Ou-Québec en lei die besoeker tot die Château Frontenac (dit is in 1893 as 'n hotel van Canadian Pacific Railways opgerig en beskik oor 613 kamers).
- Terrasse Dufferin en die Promenade des Gouverneurs lei tot die Citadelle en die Abraham-vlaktes. Die Parlementsgebou bied 'n pragtige uitsig oor die stad vanaf die 31ste verdieping.
- Die Grande Allée is 'n statige ou straat met klein hotelletjies, restourante en buitelugkafees.
- Die Musée de la Civilisation (Museum van die Beskawing) is aan vyf onderwerpe gewy - die mens se liggaam, materie, die geselskap, taal en menselike gedagte.
- Die Île d'Orléans (Orléans-eiland) lê in die midde van die St. Laurentrivier en is 'n goeie voorbeeld van die lewe in die vroeë Québec. Koop daar gerus geweefde produkte, dekens, aarbeie, appels en natuurlik die spesialiteit van Québec - allerlei esdoringprodukte.
- Die Moulin de la Chevrotière is 'n meulen wat uit die 18de eeu dateer en nog steeds werk.
- In Wendake (Village-des-Hurons, Huroondorp) kan 'n mens kennis maak met die Huroon-Indiane wat sowat 10 000 jaar gelede na hierdie gebied gekom het.
- Die geskiedkundige Nasionale Park Cartier-Brébeuf lê teen die Saint-Charlesrivier en vertoon 'n namaaksel van die Grande Hermine, die skip waarmee Jacques Cartier na Noord-Amerika geseil het.
Vir die fynproewer
- La Grande Table à la Maison Serge Bruyère is 'n restourant wat hom op die Nouvelle Cuisine toespits (1200 rue Saint-Jean, naby die Côte-du-Palais)
- Aux Anciens Canadiens teenoor die Château Frontenac bied ook die geleentheid om die oudste huis in Québec (stad) te sien (die gebou is tussen 1675 en 1676 opgerig) en ook van die atmosfeer van toeka se tyd te geniet. Die restourant bied plaaslike kookkuns soos soupe aux pois, boulettes, Cretons du Québec en tortière aan (34 rue Saint-Louis)