George Eastman: Verskil tussen weergawes

in Wikipedia, die vrye ensiklopedie
Content deleted Content added
k robot Bygevoeg: pt:George Eastman
Lyn 27: Lyn 27:
[[no:George Eastman]]
[[no:George Eastman]]
[[pl:George Eastman]]
[[pl:George Eastman]]
[[pt:George Eastman]]
[[ro:George Eastman]]
[[ro:George Eastman]]
[[sv:George Eastman]]
[[sv:George Eastman]]

Wysiging soos op 02:02, 12 Junie 2008

George Eastman is in Waterville, New York gebore. Toe hy vyf jaar oud was, het sy gesin na Rochester verhuis, waar sy pa die Eastman Kommersiële Kollege begin het. Na sy pa se dood het die Eastmans finansieel gesukkel en George moes skool op die ouderdom van 14 verlaat om die gesin te help ondersteun. Eastman het entoesiasties geraak oor fotografie toe 'n kollega voorgestel het dat hy foto's moet neem op vakansie. Die fotografietoerusting was egter die grootte van 'n losstaande rekenaar en Eastman het begin eksperimenteer met toerusting wat minder omslagtig is. Hy het alles wat hy oor die onderwerp kon kry, gelees en, met 'n formule uit 'n Britse tydskrif, het hy begin eksperimenteer met droëplaatemulsies teenoor die nat plate wat op daardie stadium in gebruik was. Hy het sy droëplaatformule in Amerika en Engeland gepatenteer en 'n masjien ontwikkel vir die vervaardiging van 'n groot aantal plate en in 1880 begin om droë plate aan ander fotograwe te verkoop. In 1885 het Eastman die eerste kommersiële rolfilm vervaardig wat deursigtig en buigsaam was. In 1888 het hy 'n klein bokskamera bekend gestel wat 'n filmrol, genoeg vir 100 foto's, bevat het. In 1889 het die maatskappy papiernegatiewe met buigbare selagtige film vervang wat die weg oopgestel het vir die eerste rolprente. In 1900 het die Kodak Brownie, bekostigbaar teen $1 elk, fotografie binne die bereik van Jan Alleman gesit. Al wat nodig was, was die druk van 'n knoppie. George Eastman het nooit getrou nie, maar het die laaste derde van sy lewe spandeer aan al die aktiwiteite waarvoor daar nie tyd was terwyl hy 'n wêreldmark vir fotografie geskep het nie. Hy het jag, visvang en timmerwerk geniet en was 'n buitengewoon goeie kok. Hy het gely aan 'n degeneratiewe ruggraatkwaal wat hom toenemend weerhou het daarvan om 'n aktiewe lewe te lei. Gefrustreerd en neerslagtig het hy op 13 Maart 1932 selfmoord gepleeg. Kort voor sy dood het hy geskryf: "My werk is gedoen. Waarvoor wag?"

Belangrikste prestasies

George Eastman se innoverende ontwerp van droë, buigsame rolfilms en die handkamera wat hierdie films kon gebruik, het fotografie gerevolusioneer en in een van die twintigste eeu se oorheersende kunsvorms en een van die kragtigste kommunikasiemedia gemaak. 'n Eeu na hy die wêreld se eerste Kodak hand-kiekiekamera ontwerp het, word biljoene foto's elke jaar deur professionele en amateur fotograwe geneem. Eastman se welwillendheid was legendaries. Deur sy leeftyd het hy $100 miljoen aan verskeie instansies gedoneer. Sy borgskap het op onderwys en gesondheid gefokus en instellings soos MIT en Rochester Universiteit het grootliks voordeel uit sy ondersteuning getrek. Eastman het dit nie snaaks gedink om twee operas op 'n dag te sien nie en sy liefde vir musiek het hom gelei tot die stigting van die bekende Eastman Musiekskool. George Eastman het sy besigheid opgebou deur noukeurig aandag te gee aan elke klein detail, van die naam Kodak (wat hy gekies het oor die sterk plosiewe k-klanke en nie omdat die woord enigiets beteken het nie), die sorgvuldige verskaffing van 'n handelsmerk, tot die slim slagspreuk ("Jy druk die knoppie, ons doen die res") en die welstand van sy werknemers. Sy indiensnemingsbeleide was revolusionêr vir die tyd: hy het 'n winsdeelstelsel vir sy werkers ingestel dekades voor die konsep deur ander aangeneem is.