Pous Felix IV

Pous Felix IV
Pontifikaat begin	12 Julie 526
Pontifikaat eindig	22 September 530
Voorganger	Johannes I
Opvolger	Bonifatius II
Gebore	Samnium
Sterf	22 September 530 Rome, Italië
Ander pouse genaamd Felix

Felix IV was die 54ste pous van die Rooms-Katolieke Kerk.

Biografie

As gevolg van die bestaan van Teenpous Felix II word Pous Felix IV soms as Felix III (as die teenpous nie getel word nie) of as Felix III (IV) aangedui. Felix IV is gebore in Samnium, die seun van Castorius. Op 12 Julie 526 volg hy Pous Johannes I op en regeer tot sy dood op 22 September 530. Hy word opgevolg deur Pous Bonifatius II. Die naam ‘Felix’ beteken 'die gelukkige'.

Pontifikaat

Pous Felix IV is teologies bekend weens sy steun aan biskop Caesarius van Arles teen die semi-Pelagiane. Die genadeleer van die pous kom grotendeels van Augustinus en word in Julie 529 aanvaar deur die Tweede sinode van Orange. Op sy sterfbed dui Felix aartsdeken Bonifatius aan as sy opvolger. Die senaat het egter 'n edik uitgevaardig waarin bespreking van pouslike opvolging, terwyl die pous nog lewe, onwettig verklaar is, asook die aanstelling van 'n opvolger. Die verkiesing van Pous Bonifatius II as sy opvolger lei gevolglik tot kerkskeuring en Dioscurus word as teenpous gekies.

Verering

Pous Felix IV is in die Sint Pieterskerk begrawe en word as heilige vereer in die Rooms-Katolieke Kerk. Sy feesdag is 22 September.

Verwysings

• Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7

Eksterne Skakels

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• Ekumeniese Heiligesleksikon (Duits)
• CE Inskrywing in die Catholic Encyclopedia (Engels)

Nota

Saamgestel en vertaal uit die Nederlandse, Engelse, Duitse en Franse wikipedia.

Opvolging

Voorafgegaan deur Johannes I

Pous (Pontifex Maximus) 526 – 530

Opgevolg deur Bonifatius II