Reuleaux-driehoek: Verskil tussen weergawes

in Wikipedia, die vrye ensiklopedie
Content deleted Content added
Lyn 36: Lyn 36:
[[en:Reuleaux triangle]]
[[en:Reuleaux triangle]]
[[fr:Triangle de Reuleaux]]
[[fr:Triangle de Reuleaux]]
[[it:Triangolo di Reuleax]]
[[it:Triangolo di Reuleaux]]
[[ja:ルーローの三角形]]
[[ja:ルーローの三角形]]
[[ko:뢸로 삼각형]]
[[ko:뢸로 삼각형]]
[[pl:Trójkąt Reuleaux]]

Wysiging soos op 13:17, 23 Junie 2008

Die Reuleaux-driehoek is 'n konstante wydte kromme gegrond op 'n ewesydige driehoek. Die afstand van enige punt op 'n sy tot by die teenoorstaande sy is gelyk.

'n Reuleaux-veelhoek is 'n veelhoek wat 'n kromme met konstante wydte is - dit wil sê, 'n kromme waarin alle deursneë die selfde lengte het. Die mees bekende weergawe is die Reuleaux-driehoek. Beide is vernoem na Franz Reuleaux, 'n 19de eeuse Duitse ingenieur wat pionierswerk gedoen het op maniere hoe masjiene een soort beweging kan omskakel na 'n ander soort, hoewel dit voor sy tyd bekend was.

Die Reuleaux-driehoek is die eenvoudigste nie-triviale voorbeeld van 'n kromme met konstante wydte - 'n kromme waar die afstand tussen twee teenoorstaande parallelle raaklyne aan die rand daarvan dieselfde is, onafhanklik van die rigting van die twee parallelle lyne.

Om 'n Reuleaux-driehoek te teken, begin met 'n ewesydige driehoek. Plaas die skerp punt van 'n passer by een hoek en trek die (klein) boog tussen die twee ander hoeke. Doen dieselfde met die middel van die passer op die ander twee hoeke. Vee die oorspronklike driehoek uit. Die resultaat is 'n kromme met konstante wydte. Ekwivalentgewys, gegee 'n ewesydige driehoek T met sy lengte s, neem die grens van die snyding van die skywe met radius s gesentreer op die hoeke van T.

Volgens die Blaschke-Lebesgue-stelling, het die Reuleaux-driehoek die kleinste oppervlak van enige kromme van enige gegewe konstante wydte.

Die Reuleaux-driehoek kan veralgemeen word tot reguliere veelhoek met 2n + 1 sye. Kyk ook die Britse Twintig Pennie en Vyftig pennie muntstukke.

Trivia

  • Omdat al die deursneë die selfde lengte het, is die Reuleaux-driehoek - in werklikheid alle Reuleaux-veelhoeke - die nie-triviale antwoord tot die Mensa-agtige vraag "Watter vorm kan jy 'n mangatdeksel maak sodat dit nie deur die gat kan val nie?" Die ooglopende antwoord is 'n sirkel.
  • Die rotor van die Wankel-enjin is 'n Reuleaux-driehoek.
  • Alhoewel 'n Reuleaux-driehoek glad en maklik rol, is dit nie 'n goeie wiel nie omdat dit nie 'n vaste rotasiemiddelpunt het nie. Terwyl 'n voorwerp bo-op rollers waarvan die deursnit Reuleaux-driehoeke is (soos waar stompe as rollers gebruik word, maar gevorm soos Reuleaux-driehoeke) glad en plat sal rol, sal 'n as geheg aan wiele in die vorm van Reuleaux-driehoeke op en af bons teen drie keer per omwenteling.
  • Die bestaan van Reuleaux-veelhoeke is 'n goeie demonstrasie van waarom mens nie deursneemetings kan gebruik om te bevestig dat 'n voorwerp 'n sirkulêre deursnit het nie.

Drie-dimensionele weergawe

'n Reuleaux-tetraëder

Die snyding van die balle met radius s gesentreer op die hoeke van 'n reguliere tetraëder met sylengte s word die Reuleaux-tetraëder genoem, maar is nie 'n oppervlak met konstante wydte nie. Dit kan egter op twee maniere in so 'n vorm omskep word.

Eksterne skakels

Sien ook