Roald Dahl: Verskil tussen weergawes

in Wikipedia, die vrye ensiklopedie
Content deleted Content added
k robot Bygevoeg: sl:Roald Dahl
Lyn 76: Lyn 76:
[[simple:Roald Dahl]]
[[simple:Roald Dahl]]
[[sk:Roald Dahl]]
[[sk:Roald Dahl]]
[[sl:Roald Dahl]]
[[sv:Roald Dahl]]
[[sv:Roald Dahl]]
[[ta:ரூவால் டால்]]
[[ta:ரூவால் டால்]]

Wysiging soos op 11:50, 12 Julie 2008

Roald Dahl (13 September 191623 November 1990) was 'n Walliese romanskrywer, en kortverhaalskrywer, wat befaamd geraak het in die veertigerjare van die twintigste eeu weens sy kinder- en volwasse verhale.

Biografie

Roald Dahl is gebore in Llandaff, Cardiff, Wallis in 1916. Sy ouers was Noorweërs, Harald en Sofie Magdalene Dahl wat in die vorige eeu se tagtigerjare soontoe emigreer het. Sy vader sterf aan longontsteking toe hy vier jaar oud is. Omdat hy lank was -- 1,98m as volwassene -- het hy goed presteer in sport op skool. Vakansietye is gewoonlik in Noorweë deurgebring.

Na skool begin hy werk by die Shell-maatskappy, en word na twee jaar se opleiding verplaas na Dar-es-Salaam, Tanganyika (nou Tanzanië). Dahl sluit aan by die Britse lugmag in November 1939. Hy doen vliegsendings in Afrika en in Irak. Op 19 September 1940 stort hy neer in Libië nadat hy nie ‘n landingstrook kon vind nie. Hy breek sy skedel en word tydelik verblind in die ongeluk. Nietemin herstel hy sodanig dat hy weer kan vlieg. Mettertyd ontwikkel hy egter verblindende hoofpyne en word hy terug na Brittanje gestuur. Hy word in 1942 na Washington, D.C. verplaas as attaché, en verskaf intelligensie, met die goedkeuring van die Britse regering aan William Stephenson, 'n beroemde Kanadese spioen.

Op 2 Julie 1953 trou hy met 'n Amerikaanse aktrise Patricia Neal in New York. Hulle bly 30 jaar lank getroud, en het vyf kinders, waarvan die oudste op sewejarige ouderdom sterf aan breinvliesontsteking. Na sy egskeiding trou hy met Felicity ("Liccy") d'Abreu Crosland, twintig jaar jonger as hy. Hy sterf in 1990 in Buckinghamshire aan ‘n vorm van bloedkanker.

Verkorte bibliografie

Kinderverhale

  • The Gremlins -- 1943
  • James and the Giant Peach –- 1961. Verskyn as 'n eponieme animasiefilm in 1996.
  • Charlie and the Chocolate Factory -- 1964. Verskyn as twee filmweergawes Willy Wonka & the Chocolate Factory 1971 en Charlie and the Chocolate Factory 2005.
  • Fantastic Mr Fox1970. Verskyn as 'n eponieme animasiefilm in 2009.
  • Charlie and the Great Glass Elevator1973. 'n Opvolgwerk van Charlie and the Chocolate Factory.
  • Danny, the Champion of the World1975. Verskyn as 'n eponieme TV-film in 1989.
  • The Twits1980.
  • The BFG1982. Verskyn as 'n eponieme animasiefilm in 1989.
  • The Witches1983. Verskyn as gelyknamige film in 1990.
  • Matilda -- 1988. Gelyknamige film verskyn in 1996.

Volwasse fiksie

Romans

  • My Uncle Oswald1979.

Kortverhale

  • Kiss Kiss1960.
  • Tales of the Unexpected1979.

Nie-fiksie

  • Boy – Tales of Childhood -- 1984.

Draaiboeke

  • Chitty Chitty Bang Bang -- 1968.
  • Willy Wonka & the Chocolate Factory1971.

Bron

Vertaal en verkort vanaf Roald Dahl op die Engelse wikipedia.