Unix

Diagram van die geskiedenis en ontwikkeling van Unix and Unix-agtige bedryfstelsels

Unix (amptelike handelsmerk UNIX®) is 'n rekenaar bedryfstelsel wat oorspronklik in 1969 deur 'n groep AT&T werknemers in Bell Labs ontwikkel is. Deel van die span was Ken Thompson, Dennis Ritchie en Douglas McIlroy. Vandag se Unix bedryfstelsels is verdeel in verskeie takke, wat oor tyd deur AT&T, ander kommersiële verskaffers, en nie-winsgewende organisasies ontwikkel is.

Vanaf 2007 besit die Open Group ('n industrie standaard konsortium) die UNIX® handelsmerk. Slegs stelsels wat ten volle ooreenstem met die Enkele UNIX Spesifikasie kwalifiseer as "UNIX®" (ander word gesien as Unix-verwant).

Gedurende die laat 1970's en vroeë 1980's het Unix se invloed in akademiese kringe gelei tot die grootskaalse implementering van Unix (in besonders die BSD variasie, komend van die Universiteit van California, Berkeley, VSA) deur kommersiële organisasies, die bekendste voorbeeld hiervan is Sun Microsystems. Vandag word Unix en Unix-verwante stelsels oral aangetref, insluitend variasies soos Linux en BSD.

Soms word die term "tradisioneel Unix" gebruik om 'n Unix of 'n bedryfstelsel te beskryf met die karakteristieke van Unix Weergawe 7 of UNIX Stelsel V (System V).