Reitz

Reitz is tussen Bethlehem en Frankfort op die roete na die Witwatersrand geleë. Die dorp in die Oos-Vrystaat is gestig op die plaas Stompkop, hoofsaaklik as ‘n uitspanplek vir transportryers. Die dorp is eers Amsterdam genoem nadat die eerste erwe in 1884 uitgelê is, maar die naam is verander na Reitz na die besoek van President F.W. Reitz in 1889. Munisipale status het in 1903 gevolg. Toe die Rebellie van 1914 uitgebreek het, het die meeste van Reitz se boere by die opstand aangesluit. Die dorp is in die hart van die “mieliedriehoek".