Witbank

Uitsig oor Witbank.

Witbank, amptelik bekend as eMalahleni, is 'n stad geleë op die hoëveld van Mpumalanga, Suid-Afrika. Die Witbank-naam is afgelei van 'n wit sandsteen uitspanplek waar transportdrywers voorheen gerus het. In Maart 2006 word die stad herdoop na eMalahleni, die Nguni woord vir "die plek van kool". Die stad is in 'n steenkoolmyngebied met 22 mynmaatskappye in 'n gebied met 'n radius van kleiner as 40 km. Daar is verskeie steenkoolaangedrewe kragstasies naby, as ook 'n staalfabriek wat steenkool gebruik, naamlik Highveld Steel and Vanadium Corporation.

Witbank is gestig in 1890. Vroeëre pogings om steenkool te myn was onsuksesvol totdat die spoorlyn van Pretoria in 1894 die gebied bereik het. Emalahleni het 'n dorp geword in 1903, 'n munisipaliteit op 13 Mei 1910, en daarna stadstatus verkry (datum onbekend). Die Universiteit van Pretoria het in 1989 'n kampus hier opgerig.

Bevolking

Die eMalahleni munisipaliteit, wat verskeie nabygeleë nedersettings insluit, het volgens die 2001-sensus 'n populasie van 190 885 mense. Hiervan is 81,7% swartes, 16,6% blankes, 1,4% kleurlinge en 0,4% Asiërs. Die blanke bevolking is waarskynlik ondertel, 'n algemene probleem met die 2001-sensus getalle.

Trivia

• Winston Churchill, toe 'n jong soldaat-joernalis, het in 'n mynskag naby Witbank weggekruip na sy ontsnapping uit Pretoria tydens die Tweede Vryheidsoorlog.
• Witbank-dam is die grootste munisipale dam in die suidelike halfrond.

Eksterne skakels

• Die Emalahleni webwerf