Kali-joega

Kali Yuga (Sanskrit: कली यग, Kali Yuga, letterlik: Ouderdom van Kali, ook bekend as die Duistere Ouderdom), is volgens die Hindoeïsme die laagste van die vier tydperke (Yugas) van ontwikkeling wat die wêreld deurmaak. Die ander is Dwapara Yuga, Treta Yuga en Satya Yuga.

Die Kali Yuga word beheer deur die demon Kali, die nemesis van Sri Kalki, die 10de en laatste avatar van die hindoegod Vishnoe. Volgens die Vishnoe Purana is hy die negatiewe manifestasie van Vishnoe.

Volgens die Surya Siddhanta begin Kali Yuga op die middernag van 23 Januarie (volgens die die Gregoriaanse kalender) of 18 Februarie (volgens die die Juliaanse kalender) in die jaar 3102 v.C. Baie hindoes glo dat hierdie die oomblik was waarop Krishna sy liggaam verlaat het.

Volgens die meeste interpretasies van hindoe-tekste bevind die aarde hom tans in Kali Yuga, hoewel ander meen dat die aarde aan die begin van Dwapara Yuga staan. Hindoes dink dat die mensdom geestelik degenereer gedurende Kali Yuga; dit word meestal aangedui as die Duistere Ouderdom aangesien die mensdom die verste van God staan.