Brunstad Christian Church

Die stigter Johan O. Smith (1871-1943).

Die Christelike Gemeente (DCG) (Noors: Den Kristelige Menighet), ook Smith se Vriende, is ’n wêreldwye Christelike vereniging wat in die vroeë 20ste eeu in die Noorse provinsie Vestfold gestig is. Die onafhanklike kerkvereniging het sy oorsprong in Charismatiese tradisies soos die Pinksterbeweging, alhoewel dit in baie opsigte daarvan verskil.

Die Christelike Gemeente is oorspronklik na sy stigter Johan O. Smith vernoem en het as Smith se Vriende bekend gestaan. Vandag is dit 'n georganiseerde gemeente met 'n amptelike lys van geregistreerde lede wat na hulself as Die Christelike Gemeente (afkorting DCG) verwys.

Smith se Vriende is die enigste wêreldwye Christelike gemeenskap wat in Noorweë ontstaan het. Volgens die DCG se eie statistieke het die Gemeente vandag 30 000 vaste lede wat oor 65 lande versprei is. Smith se vriende het vier gemeentes in Suid-Afrika: In Vanderbijlpark, Pretoria, Kaapstad en Bloemfontein.

Geskiedenis

Brunstad Conference Center

Die ontstaan van Smith se Vriende

Johan Oscar Smith (1871–1943) word as die stigter van vandag se onafhanklike gemeente Smith se vriende beskou. Smith het as ’n onderoffisier in die Noorse Vloot gedien. Hy was gebore in Fredrikstad en het opgegroei in ’n Christelike huis. Op vyftienjarige ouderdom het hy 'n loopbaan as seeman gekies en twee jaar later, op 17-jarige leeftyd, het hy by die vloot aangesluit waar hy vir meer as 40 jaar gewerk het. Toe hy in 1898 26 jaar oud geword het hy het homself bekeer en begin om die teologiese grondslag vir die huidige leerstellings van Smith se Vriende te lê. Dit was die begin van wat vandag bekend staan as Smith se vriende.

Johan O. Smith het nie die bedoeling gehad om ’n gemeente te begin nie. Die groep was aanvanklik slegs 'n Christelike vriendekring. Een van die eerste “vriende“ was Theodor Ellefsen. Later het meer mense by die groep angesluit, waaronder Smith se broer Aksel Smith, 'n tandarts van beroep.

’n Ander belangrike persoon was Elias Aslaksen (1888–1976), wat net soos Smith in die vloot gedien het en in 1908 vir hom ontmoet het. Elias Aslaksen het die leier geword van Smith se vriende ná Smith se dood in 1976. Tydens sy loopbaan in die vloot en in die visserybedryf het Smith vir baie jare op see gevaar. Dit het aan hom die geleentheid gegee om vriende te maak langs die hele kus van Noorweë, vanaf die Oslofjord tot by Mehamn en Vardø.

Eksterne skakels

• Smith se vriende – Engels