Pous Evaristus

Pous Evaristus

Evaristus, was die vyfde pous van de Rooms-Katolieke Kerk, en het regeer van 98-105. Sy voorganger was Pous Clemens I en sy opvolger was Pous Alexander I. Hy word ook Aristus genoem. Evaristus beteken ‘welgevallige’. Daar is maar min oor hom bekend. Volgens die Liber Pontificalis was hy van Griekse afkoms, maar sy Joodse vader was uit Bethlehem. Hy is as pous verkies tydens die bewind van keiser Domitianus.

Evaristus was die grondlegger van die kollege van kardinale, die liggaam wat later verantwoordelik sou word vir die verkiesing van pouse. Hoewel ongegrond, word hy as martelaar vereer. Evaristus is heilig verklaar deur die kerk en sy feesdag is 26 Oktober.

Verwysing

Vertaal uit die Nederlandse Wikipedia.

Bronne

• Maxwell-Stuart, P.G. (1997). Chronicle of the Popes. Thames Hudson Ltd., London. ISBN 0-500-01789-0