Jacques Chirac

Verkies op :	7 Mei 1995 en 5 Mei 2002
Presidentskap :	17 Mei 1995 - 16 Mei 2002 en 17 Mei 2002 - 16 Mei 2007
Voorganger :	François Mitterrand
Opvolger :	Nicolas Sarkozy
Gebore op :	29 November 1932
Geboorteplek :	Parys, Frankryk

Jacques René Chirac (Parys, 29 November 1932) is 'n Franse staatsman wat in die tydperk tussen 17 Mei 1995 en 16 Mei 2007 die amp van die Staatspresident van die Franse Republiek beklee het.

Chirac is 'n lid van die gaullisties-konserwatiewe party Union pour un Mouvement Populaire ("Volksbewegingsunie", oorspronklik: Union pour une Majorité Presidentielle).

Chirac studeer aan 'n aantal leidende Franse universiteite (onder meer die ENA) en doen sy diensplig in Algerië. In 1967 word hy vir die eerste keer as 'n lid van die parlement verkies.

In die jare sestig en sewentig is Chirac 'n medewerker van die presidente Georges Pompidou en Valéry Giscard d'Estaing. In die tydperk van 1974 tot 1976 en nog eens van 1986 tot 1988 is hy Eerste Minister van Frankryk en van 1977 tot 1995 burgemeester van Parys.