Stade de Gerland: Verskil tussen weergawes

in Wikipedia, die vrye ensiklopedie
Content deleted Content added
ArthurBot (besprekings | bydraes)
k robot Verander: hu:Stade de Gerland
k robot Bygevoeg: sr:Жерлан
Lyn 94: Lyn 94:
[[pt:Stade de Gerland]]
[[pt:Stade de Gerland]]
[[ru:Стад Герланд]]
[[ru:Стад Герланд]]
[[sr:Жерлан]]
[[sv:Stade de Gerland]]
[[sv:Stade de Gerland]]
[[tr:Stade Gerland]]
[[tr:Stade Gerland]]

Wysiging soos op 07:34, 4 Mei 2009

Stade Gerland
Stade de Gerland

UEFA


Bynaam Le Temple
Volle naam Stade Gerland
Ligging 353, Avenue Jean-Jaurès, 69007 VIIde Arrondissement, Lyon, Frankryk
Koördinate 45°43′25.6″N 4°49′56.1″E / 45.723778°N 4.832250°O / 45.723778; 4.832250
Eienaar Olympique Lyonnais
Operateur Olympique Lyonnais
Kapasiteit
43 051
Oppervlak Gras
Konstruksie
Eerste sooi gespit 1913
Gebou 1914
Geopen 1926
Uitgebrei 1960, 1980, 1998
Boukoste 32,7m
(insluitend renovasies)
Argitek Tony Garnier
René Gagis (renovasie)
Huurders
Olympique Lyonnais (Ligue 1 de Orange)
1950-hede

Die Stade de Gerland is die hoofsportmiddelpunt van die Franse stad Lyon. Die stadion wat in die Gerlandkwartier geleë is word tans deur Olympique Lyonnais gebruik. Die stadion word vir talle wedstryde in die 2007 Rugby Wêreldbeker gebruik.

Bouwerk aan die stadium, ontwerp deur Lyonse inwoner Tony Garnier, het in 1913 'n aanvang geneem. Konstruksie is egter kort daarna deur die uitbraak van die Eerste Wêreldoorlog onderbreek. Na die einde van die oorlog is konstruksie in 1919 met die hulp van 'n groot aantal Duitse krygsgevangenes hervat. Die stadium was teen 1920 ten volle funksioneel.

Oorspronklik het die stadion geen onderdaksitplekke gehad nie en aansienlike herbouings is mettertyd aangebring. In 1960 moes die fietsrybaan wat om die sokkerveld geloop het opgeoffer word om die sitplekkapasiteit na meer as 50 000 te vermeerder. In 1984 het die aantal toeskouers 51 680 vir sekere Europese Voetbal Kampioenskapwedstryde gehaal.

Vedere renovasies was nodig vir die 1998 FIFA Wêreldbeker aangesien FIFA teen daardie tyd daarop aangedring het dat alle stadiums wat vir internasionale wedstryde, insluitend Wêreldbekerwedstryde, sitplekke vir alle toeskouers moes hê. Die noord- en suidpawiljoene is geheel en al gesloop en die atletiekbaan wat oorgebly het na die fietsrybaan verwyder is moes ook afgestaan word. Die nuwe inkarnasie van Gerland het 'n maksimum kapsiteit van 43 051.

Die stadium bestaan tans uit twee hoofpawiljoene: 'n noord- en suidpawiljoen. Daar is ook twee kantpawiljoene: Die tribune Jean Jaurès en die tribune Jean Bouin.

Sedert 1950 is die stadion die tuiste van Olympique Lyonnais wat 'n nuwe veld nodig gehad het toe dit afgeskei het van Lyon Olympique sportklub wat by die Stade des Iris gespeel het.

In 1967 is die stadion as 'n historiese monument verklaar met veral die boogingange wat as bewaringswaardig beskou word.

Die rekordbywooning vir 'n Ligue 1 wedstryd is 48 552 vir 'n wedstryd tussen Olympique Lyonnais en AS Saint-Étienne in 1982.

Tydens die 1998 FIFA Wêreldbeker het die stadion 5 groepwedstryde aangebied:

sowel as die kwarteindstryd:

Tydens die 2003 Konfederasiebeker het 'n tragedie hom op die stadion afgespeel tydens die halfeindstryd tussen Kameroen en Kolombië toe die Kameroense middeveldspeler Marc-Vivien Foé op die veld ineengestort het en kort daarna in die hospitaal gesterf het.

In 1972 is die Rugby League Wêreldbeker eindstryd by die stadion gehou.

Olympique Lyonnais beplan om in 2010 na 'n nuwe stadion te skuif.

Eksterne Skakels


Sjabloon:2007 Rugby Wêreldbekerstadions