Grey-kollege: Verskil tussen weergawes

in Wikipedia, die vrye ensiklopedie
Content deleted Content added
Morne (besprekings | bydraes)
Wutsje (besprekings | bydraes)
Lyn 20: Lyn 20:
[[Kategorie:Opvoeding]]
[[Kategorie:Opvoeding]]
[[Kategorie:Christendom]]
[[Kategorie:Christendom]]

[[en:Grey College, Bloemfontein]]

Wysiging soos op 19:21, 3 September 2009

Sir George Grey se skenking van £5 000 het die stigting van Grey-kollege voorafgegaan.

Grey-kollege is 'n parallelmedium seunskool in Bloemfontein en word allerweë as een van Suid-Afrika se voorste skole beskou.

Ontstaan

Sir George Grey, Kaapse goerwerneur, het tydens 'n besoek aan die nuwe Republiek van die OVS op 13 Oktober 1855 'n bedrag van £5 000 aan die Nederduitse Gereformeerde Kerk geskenk vir die oprigting van die Kollege in Bloemfontein. Die skool is amptelik op 17 Januarie 1859 met ds. (later dr.) Andrew Murray as eerste skoolhoof geopen. Die modelrepubliek, Bloemfontein en Grey-kollege het saam gegroei en ontwikkel - die skool onder leiding van skoolhoofde soos dr. Johannes Brill, mnre. James Lyle, Jock Meiring, J.M.B. Faure, A.K. Volsteedt, J.L. Cronje en dr. M.G. Heyns. Sedert 1993 is mnr. Johan Volsteedt die skoolhoof.

Dit was die eerste skool in die destydse Transgariep en voorloper van die Grey-universiteitskollege, die latere Universiteit van die Vrystaat. Dit is ook die derde oudste skool in die land.

In 1950 is die sekondêre skool en die primêre skool geskei en het die primêre afdeling vinnig ontwikkel onder andere onder mnre. C.C.R Bornman, Steve Strydom en Chris Bester. Vanaf 1992 is mnr Lindsay Mould die skoolhoof van die primêre skool.

Vandag

Grey-kollege is een van die bekendste skole in die land en sy oudleerders word in alle vertakkinge van die samelewing aangetref, nie net in Suid-Afrika nie, maar selfs in die buiteland. Die skool bied parallelmediumonderrig in afsonderlike klasse aan Afrikaanse en Engelse leerders, wat andersins saam sosialiseer, in die koshuise woon en aan buitemuurse bedrywighede deelneem. Die skool is wyd bekend vir sy akademiese en sportprestasies. Onder sy oudleerlinge is die rugbykaptein Morné du Plessis, asook die krieketkapteins Kepler Wessels en Hansie Cronje.

Eksterne skakels