Cecilia Bartoli

{{ | Naam = Cecilia Bartoli | Beeld = Cecilia Bartoli at BOZAR 2007.jpg | Beeldbeskrywing = | Beeldonderskrif = | Geboortenaam = Cecilia Bartoli | Alias = | Geboortedatum = 4 Junie 1966 | Geboorteplek = Rome, (Italie) | Nasionaliteit = Italiaans | Sterftedatum = | Sterfteplek = | Beroep = Sopraan, opera sangeres | Noemenswaardige operas = La Cenerentola, Die Huwelik van Figaro, Die Barbier van Seville | Webwerf = | imdb = | Toekennings = }}

Cecilia Bartoli (gebore Junie 4, 1966) is 'n Italiaanse mezzo-sopraan wie beskou word as een van die voorstaande opera vertolkers van die moderne era. Sy is veral aktief in die herontdekking van musiek uit die barok en vroee klassieke eras, opera repertorium waarvan sy reeds talle wereldpremieropnames gemaak het. Haar grootste faam berus in haar besonderse talent vir moeilike koloratuursang.

Biografie

Bartoli is gebore in Rome, Italie. Beide haar ouers was professionele operasangers en Cecilia se ma was boonop nog haar sangleraar ook. Bartoli het ook musiek studeer by die Conservatorio di Santa Cecilia in Rome.

Sy het reeds vroeg in haar loopbaan begin werk met bekende dirigente soos Herbert von Karajan en Daniel Barenboim, dit nadat sy in 1987 ontdek is in 'n televisie huldeblyk aan die oorlede sopraan Maria Callas.

Waarskynlik oor sy nog 'n betreklike jong sanger was met die aanvang haar professionele loopbaan, het Bartoli vir eers gefokus op die operarolle van Mozart en Rossini. In hierdie uitdagende musiek kon sy haar tegniese vaardigheid bemeester en ook haar talent as 'n aktrise verfyn. In hierdie tydperk sing sy dus rolle uit Idomeneo, Die Huwelik van Figaro, Die Barbier van Seville, La Cenerentola, Cosi fan Tutte en Don Giovanni. Haar stem het oorspronklik 'n ryk mezzo timbre besit wat deur die jare verminder het soos wat sy die tessitura van haar stem laat styg het. Aldus sing sy nou ook met gemak in dele van die sopraan repertorium.

Behalwe vir die musiek van Mozart en Rossini het Bartoli ook 'n nis vir haarself gevind in die musiek van ander komponiste wie se vokale musiek nagelaat of vergete was om verskeie redes: hieronder geld die operas van komponiste Haydn, Salieri, Gluck, Vivaldi, Caldara en Scarlatti. Danksy haar passie vir hierdie musiek is sy 'n topverkoper van konserte en klassieke CD's in die musiekbedryf.