Republiek Komi: Verskil tussen weergawes

in Wikipedia, die vrye ensiklopedie
Content deleted Content added
k robot Bygevoeg: tr:Komi Cumhuriyeti
Lyn 125: Lyn 125:
[[sv:Komi (delrepublik)]]
[[sv:Komi (delrepublik)]]
[[tl:Republika ng Komi]]
[[tl:Republika ng Komi]]
[[tr:Komi Cumhuriyeti]]
[[tt:Коми Республикасы]]
[[tt:Коми Республикасы]]
[[ug:كومى]]
[[ug:كومى]]

Wysiging soos op 02:41, 24 November 2009

Republiek van Komi
(Республика Коми)

Ligging van Komi in Rusland
Land: Russiese Federasie
Russiese naam: Республика Коми
Plaaslike naam: Коми Республика
Status: Outonome republiek
Federale distrik: Noordwes
Ekonomiese streek: Noord
Hoofstad: Siktifkar
Rang: oppervlakte: 13
Oppervlakte: 415 900 km²
Rang: bevolking: 54
Bevolking: 1 018 674 (2002)
Tale: Russies, Komi-Sirjeens
Staatshoof: Wladimir Torlopof
Amptelike webtuiste: rkomi.ru
Volkslied: Volkslied van Komi

Wapen

Vlag

Die Republiek van Komi (Russies: Республика Коми) is ’n outonome republiek (’n deelgebied van Rusland) wat in die noordoostelike hoek van Europese Rusland lê. Die Oeral-gebergte vorm die oosgrens. Die belangrikste riviere is die Petsjora in die noorde en die Witsjegda in die suide. ’n Kwart van die bevolking praat Komi-Sirjeens, ’n Fins-Oegriese taal.

Ekonomie en geskiedenis

Die belangrikste bestaansmiddele is jag, vissery en die houtnywerheid. Die grootste nywerheidsentrums is Workoeta, Inta, Petsjora en Oechta (steenkool, aardolie, aardgas, ystererts), wat alles langs die Noordelike spoorlyn gevind word. Dié spoorlyn loop na die suidwestelike Kotlas, ’n stad in Archangelsk en na die noordooste na Labitnangi in die outonome distrik Jamalië in Wes-Siberië.

In baie stede is Goelag-strafkampe gevestig – veral Workoeta was berug vir sy kamp. ’n Groot deel van die nywerheid en infrastruktuur het tussen 1929 en 1953 ontstaan met die hulp van honderdduisende Goelag-dwangarbeiders. In die dertigerjare het die NKVD die gebied vir ’n tyd lank self bestuur. In dié tyd is die gebied ook "gesuiwer" van nasionalistiese en invloedryke mense, wetenskaplikes, etniese Duitsers en baie ander "vyande van kommunisme". Duisende mense is ook hierheen gebring om die gebied te bewoon en te ontwikkel.

In 1936 is meer as 2 000 gevangenes tegelykertyd tereggestel (waarvan ’n deel lewend verbrand is) by die rivier Oechtarka ná ’n opstand in een van die kampe van die Oecht-Petsjlag.[1]

Komi was van 1921 af ’n outonome oblast en van 1938 af ’n outonome Sowjetrepubliek (OSSR). Ná die val van die Sowjetunie het die gebied sy huidige status van outonome republiek gekry.

Groot stede en dorpe

  • Siktifkar (Сыктывкар) – 230 011 inwoners
  • Oechta (Ухта) – 103 340
  • Workoeta (Воркута) – 84 917
  • Petsjora (Печора) – 48 700
  • Oesinsk (Усинск) – 45 358
  • Inta (Инта) – 41 217
  • Sosnogorsk (Сосногорск) – 29 587
  • Worgasjor (Воргашор) – 19 100
  • Jemwa (Емва) – 16 739
  • Woektil (Вуктыл) – 14 472
  • Sewerni (Северный) – 12 028
  • Nizjni Odes (Нижний Одес) – 11 745
  • Mikoen (Микунь) – 11 680
  • Wilgort (Выльгорт) – 10 211
  • Zjesjart (Жешарт) – 10 029

Verwysings

  1. Workuta (in Russies)