Toulon: Verskil tussen weergawes

in Wikipedia, die vrye ensiklopedie
Content deleted Content added
k robot Verwyder: fa:تولون
k robot Bygevoeg: ka:ტულონი
Lyn 131: Lyn 131:
[[it:Tolone]]
[[it:Tolone]]
[[ja:トゥーロン]]
[[ja:トゥーロン]]
[[ka:ტულონი]]
[[la:Telo Martius]]
[[la:Telo Martius]]
[[lt:Tulonas]]
[[lt:Tulonas]]

Wysiging soos op 09:12, 26 Januarie 2010

Toulon

Kaart Wapen
Vlag
 Land Frankryk
 Région (Admin. gewes) Provence-Alpes-
Côte-d'Azur
 Département Var
 Koördinate 43°07′N 5°55′O / 43.117°N 5.917°O / 43.117; 5.917
 Stigting 2de eeu v.C.
 Oppervlak:  
 - Totaal 42,84 vk km
 Hoogte bo seevlak 1 m
 Bevolking:  
 - Totaal (Julie 2005) 167 400
 - Bevolkingsdigtheid 3 407/vk km
 - Metropolitaanse gebied (2008) 500 000
 Tydsone UTC +1
 - Somertyd UTC +2
 Burgemeester Hubert Falco (2008-14)
 Amptelike webwerf www.toulon.com

Toulon (Oksitaans: Tolon, Italiaans: Tolone) is die prefektuur (hoofstad) van die Franse département Var met 'n oppervlak van 42,84 vierkante kilometer en 167 400 inwoners (Julie 2005). Die metropolitaanse gebied (Frans: aire urbaine) van Toulon het 'n bevolking van meer as 'n halfmiljoen. Die stad aan die oostelike ent van die Golf van Lion lê halfpad tussen Marseille in die weste en Saint-Tropez in die ooste. Dit is Frankryk se belangrikste vlootbasis langs die Middellandse See.

Geografie

Toulon lê aan die Côte d'Azur of Franse Riviera, sowat 70 kilometer oos van Marseille. Die stad word in die noorde begrens deur die berg Mont Faron met 'n hoogte van 584 meter, in die weste deur die dorpe Revest en La Seyne-sur-Mer en in die ooste deur die dorpe La Garde en La Vallette-du-Var.

Die inham van Toulon, wat deur die kaap en skiereiland van Saint-Mandrier-sur-Mer van die Middellandse See geskei word, word as een van die mooiste in Europa beskou. Hier lê die hawens van Saint-Mandrier-sur-Mer en La Seyne-sur-Mer, asook die handelshawe en vlootbasis van Toulon.

Geskiedenis

Toulon was in die antieke tydperk oorspronklik 'n Liguriese nedersetting, wat in die Romeinse tyd as Telo Martius bekend gestaan het.

Ná die inlywing van Provence by Frankryk is Toulon tydens die heerskappy van koning Karel VIII tot 'n belangrike skeepswerf en basis van die Franse vloot uitgebou. Die Toulon-hawe was tydens die Ancien régime en die 19de eeu die uitgangspunt van die meeste militêre ekspedisies na Afrika.

In 1720 het meer as 13 000 burgers of sowat die helfte van die bevolking slagoffers van die sogenaamde pes van Marseille geword.

In 1790 het Toulon die prefektuur van die nuwe département Var geword. Die besluit van die Girondiste en Royaliste in September 1793 om die stad aan Engelse troepe af te staan het tot die sogenaamde Septemberbewing van die Franse Rewolusie gelei. Ná 'n blokkade van ses weke het die Rewolusionêre Franse Leër onder bevel van Napoléon Bonaparte Toulon verower en die Engelse troepe verdryf. Die burgers van Toulon is as verraaiers beskou, die stad het sy status as prefektuur van die département kwytgeraak, en sy naam is gewysig na Port-la-Montagne.

Sononder in Toulon

Tydens die Tweede Wêreldoorlog het Duitse troepe die stad op 27 November 1942 beset. Die bemannings van die Franse oorlogskepe in die Toulonse hawe het besluit om die Franse Vloot te sink sodat dit nie in die hande van die Duitsers sou val nie. Sowat een jaar later, op 24 November 1943, is Toulon deur 'n gealliëerde bomaanval verwoes, waarby 500 inwoners hul lewens verlies het.

In 1974 het Toulon sy ou status as prefektuur van die département Var herwin. Op 1 Oktober 1979 het Toulon danksy die opgradering van die ou Centre Universitaire de Toulon ook sy eie universiteit gekry, die Université de Toulon et du Var.

By die plaaslike verkiesings van 1995 het die regsgesinde party Front National (FN) vir die eerste keer die meerderheid in Toulon en sodoende in een van die groot Franse stede verower, en Jean-Marie Le Chevallier (FN) het burgemeester van Toulon geword. Hy is in die verkiesings van 2001 vervang deur Hubert Falco (UMP).

Verwysings

  • Maurice Arreckx, Vivre sa ville, La Table ronde, Paris, 1982 ; Toulon ma passion, 1985
  • Jean-Pierre Thiollet, Le Chevallier à découvert, Laurens, Paris, 1998


Eksterne skakels