Pedro II van Brasilië

Dom Pedro II

Dom Pedro II (2 Desember 1825 – 5 Desember 1891) was die tweede en laaste Keiser van Brasilie. Sy sy volle naam was Pedro de Alcântara João Carlos Leopoldo Salvador Bibiano Francisco Xavier de Paula Leocádio Miguel Gabriel Rafael Gonzaga de Bragança e Habsburgo.

Keiserskap

As 'n seun van vyf het Pedro die Keiser van Brasilië geword, net nadat sy vader Pedro I van Brasilië geabdikeer het om ‘n politieke en militêre oorlog in Portugal te steun. Laasgenoemde oorlog het daartoe gelei dat Pedro II se suster, Maria II, koningin van Portugal sou word. Pedro II het vir 58 jaar regeer. Gedurende sy heerskappy het industriële ontwikkeling in Brasilië begin. Hy het gesorg vir veel vooruitgang en ontwikkeling in sy land. Pedro II het ook na die VSA gereis waar hy Alexander Graham Bell ontmoet het en so die eerste Brasiliaan geword wat ‘n telefoon gebruik het.

Pedro II was ‘n liberale leier en het slawerny op 13 Mei 1888 as ontwettig verklaar. Alhoewel hy ‘n populêre figuur was het Dom Pedro II absolute mag oor die parlement gehad en sommige het hom beskou as ‘n stuimelblok op die pad na mordernisme. Op 15 november 1889 het ‘n militêre staatsgreep hom onttroon, waarna Dom Pedro II en sy familie na Portugal gevlug het.

Hy sterf Desember 1891 in Parys en beide sy oorskot asook dié van sy vrou word in 1920 na Brasilië geneem. Hulle word in Petropolis, die voormalige somerwoning van die keiserlike familie, begrawe.

Bronne

Vertaling van die Engelse Wikipedia