Depeche Mode

Depeche Mode
Depeche Mode tydens 'n regstreekse uitvoering by die O2 Wireless-fees in 2006.
Genres	Sintetiese pop, New Wave
Jare aktief	1980 — hede
Etikette	Mute, Capitol Records, EMI, Sire, Reprise, Some Bizzare
Assosiasies	Yazoo, Erasure, Recoil
Webwerf	www.depechemode.com

Depeche Mode (uitgespreek /dəˌpɛʃˈmoʊd/) is 'n musiekgroep wat in 1980 in Basildon, Essex (Engeland) gevorm is. Die oorspronklike lede was Dave Gahan op voorsang, Martin Gore op sintetiese klavier, kitaar, sang en as hoofliedjieskrywer ná 1981, Andrew Fletcher op sintetiese klavier, en Vince Clarke op sintetiese klavier en as hoofliedjieskrywer van 1980 — 1981. Vince Clarke het die groep in 1981, ná die vrystelling van die debuutalbum, verlaat en is deur Alan Wilder op leidende sintetiese klavier en produksie (1982 — 1995) vervang. Nadat Wilder ook die groep verlaat het, het Gahan, Gore en Fletcher die groep as 'n trio voortgesit.

In die New Wave-era is Depeche Mode een van die langste bestaande, suksesvolste en invloedrykste musiekgroepe. Die groep het al 45 snitte op die VK-enkelsnittrefferlys gehad, sowel as een nommereenalbum in die VSA en twee in die VK. Volgens EMI het Depeche Mode reeds meer as 75 miljoen albums wêreldwyd verkoop, as breuk van 'n totale produksieverkoopsyfer van 100 miljoen.

Diskografie

• Speak & Spell (1981)
• A Broken Frame (1982)
• Construction Time Again (1983)
• Some Great Reward (1984)
• Black Celebration (1986)
• Music for the Masses (1987)
• Violator (1990)
• Songs of Faith and Devotion (1993)
• Ultra (1997)
• Exciter (2001)
• Playing the Angel (2005)
• Sounds of the Universe (2009)