Laerskool Tafelberg

Die Laerskool Tafelberg was 'n Afrikaansmedium-laerskool in die Kaapstadse voorstad Woodstock.

1937: 2 M, 5 V, 250, Afrikaans IN AANBOU

TWAALF ongebruikte blanke skole, waarvan nege Arikaans-medium is, gaan oorgedra word aan die Huis van Verteenwoordigers vir die gebruik deur bruin leerlinge en aan die Departement van Onderwys en Opleiding vir die gebruik deur swart leerlinge of sal as tegniese kolleges aangewend word. Dié besluit is deur genl. Magnus Malan, Minister van Waterwese en Bosbou, mnr. Sam de Beer, Minister van Onderwys en Opleiding, en mnr. Tommy Abrahams, Minister van Onderwys en Kultuur in die Huis van Verteenwoordigers geneem, berig Sapa. Die Huis van Verteenwoordigers gaan beheer kry oor die Laerskool Boy Muller naby Ceres, die Laerskool Addo by Kirkwood, en die Good Hope Seminary in Kaapstad. Die Laerskool Tafelberg in Woodstock en die Laerskool Kliprivier in Ladysmith gaan in tegniese kolleges omgeskep word. Ses ander laer skole, die Forest Hills Junior by Pietermaritzburg, die Trap- der-Jeugd by Vrededorp, Trichardspoort in die omgewing van Bronkhorstspruit, Marong in Wynberg, Golden Valley by Somerset-Oos, en Louwsgeluk in die omgewing van Vryburg, word onder die beheer van die Departement van Onderwys en Opleiding geplaas. Volgens Sapa gaan nóg ongebruikte skole in Suid-Afrika binnekort oorgeplaas word na dié departemente. As die departemente nie in 'n skool sou belang stel nie, sou dit beskikbaar wees vir ander opvoedkundige instansies. Mnr. Hauptfleish van der Merwe, bekende boer van die Koue Bokkeveld, het gisteraand gesê dit is goeie nuus dat die ongebruikte skole benut gaan word. ``Boy Muller staan al lank leeg, terwyl die Sekondêre Skool Skurweberg oorloop van leerlinge. Daar is plek vir driehonderd leerlinge in Skurweberg, terwyl daar byna agthonderd in die skool is. Die beskikbaarheid van Boy Muller bring voorwaar verligting.

http://152.111.1.87/argief/berigte/dieburger/1991/10/19/12/5.html

Streeknuus: Skiereiland Leë blanke skole vandag bespreek

LEë skole in blanke gebiede sal vanmiddag onder bespreking kom wanneer 'n afvaardiging van ouers, onderwysers en leerlinge uit Khayelitsha 'n afvaardiging van die Kaaplandse Onderwysdepartement en die Departement van Onderwys en Opleiding ontmoet. Dit kom na die besetting van verskeie onbenutte skole die afgelope twee weke deur swart leerlinge wat in Khayelitsha in skofte moet skoolgaan weens 'n tekort aan skoolgeboue. Eergister het 'n duisend leerlinge van Thandokulu die ou skoolgebou van die Laerskool Tafelberg in Mowbray beset, berig ons opvoedkunde- verslaggewer. Die Kaapse Technikon het gister twee skole op sy Zonnebloem-kampus aan leerlinge beskikbaar gestel nadat sowat 1 500 leerlinge die terrein beset het. Volgens 'n woordvoerder van die Congress of South African Students (Cosas) is daar ook verskeie skole in veral die noordelike stadsgebiede wat die skoolnood van swart leerlinge kan verlig. Ook die publisiteitsekretaris van die ANC, mnr. Mziwonke Jacobs, het gister in 'n verklaring gesê die tekort aan skoolgeboue in swart gebiede het veroorsaak dat tot drie skooldagskofte per dag by skole ingepas moet word. Dit is onaanvaarbaar as skole in blanke gebiede leeg staan. Ons Tygerbergse redaksie berig dat heelwat skole in die Tygerberg tans leeg staan. 'n Paar klaskamers word verhuur aan private instansies. Sowat vyf klaskamers van die sowat veertien lokale van die Voorbereidingskool Parow-Vallei in Markstraat word die afgelope jaar deur die bewaarskool Kinderland benut. Dié skool is al vir 'n geruime tyd gesluit. Die hoof van die bewaarskool, mev. Maria van Eck, het gister by navraag gesê die skoolgebou is nog in 'n bruikbare toestand hoewel sy meen dat dele van die plafon in sekere klaskamers al laag hang, en sommige skryfborde vol gate is. Ook by die Laerskool Parow-Sentraal was daar nóg kind, nóg onderwyser. Mev. Bets Retief, sekretaresse van die Kaaplandse Voortrekkers, het Die Burger begroet. Volgens haar huur die Voortrekkers sedert Februarie twee lokale. In ruil daarvoor is hulle verantwoordelik vir die instandhouding van die grasperk voor die skool.

http://152.111.1.87/argief/berigte/dieburger/1992/08/28/14/28.html