Galata-toring: Verskil tussen weergawes

in Wikipedia, die vrye ensiklopedie
Content deleted Content added
kategorie
sjabloon
Lyn 25: Lyn 25:
* [http://www.galatatower.net/english/ Amptelike webtuiste]
* [http://www.galatatower.net/english/ Amptelike webtuiste]
{{coord|41|1|32|N|28|58|27|E|type:landmark}}
{{coord|41|1|32|N|28|58|27|E|type:landmark}}

{{Bakens van Istanboel}}


[[Kategorie:Antieke terreine en ruïnes in Turkye]]
[[Kategorie:Antieke terreine en ruïnes in Turkye]]

Wysiging soos op 10:58, 6 April 2010

Die Galata-toring in Istanboel.
Die toring soos dit in die negentiende eeu gelyk het. Hier het dit die ronde dak wat ná die storm van 1875 gebou is. Foto deur J. Pascal Sébah, tussen 1875 en 1895.

Die Galata-toring (Turks: Galata Kulesi), wat deur die Genuese Christea Turris (die Christus-toring) genoem is, is ’n Middeleeuse kliptoring in die Galata-distrik van Istanboel, Turkye , net noord van die Goue Horing. Dit is een van die stad se treffendste bakens en troon bo ander geboue uit. Uit die toring is daar ’n panoramiese uitsig oor ou Istanboel en die omgewing.

Beskrywing

Die toring is nege verdiepings of 66,9 meter hoog (51,65 meter by die uitkykdek) en het 3,75 meter dik mure. Dit was die hoogste gebou in die stad toe dit gebou is. Daar is ’n restaurant en kafee op die boonste verdiepings met ’n lieflike uitsig oor Istanboel en die Bosporus, asook ’n nagklub.

Geskiedenis

Die toring is in 1348 as "Christea Turris" gebou tydens die uitbreiding van die Genuese kolonie in Konstantinopel. Dit was die hoogste punt van die versterkingsmure om die Genuese Galata-vesting. Die boonste deel met sy keëlvormige punt is verskeie kere verander tydens retourasiewerk in die Ottomaanse tydperk toe dit gebruik is as ’n uitkyktoring om brande te sien.

In 1794, tydens die bewind van sultan Selim III, is die dak van lood en hout en die trappe erg in ’n brand beskadig. Nog ’n brand het die toring in 1831 beskadig, waarna dit weer gerestoureer is. In 1875, tydens ’n storm, is die keëldak verwoes en die toring het vir die res van die Ottomaanse tydperk ’n ronde dak gehad.

Baie jare later, in 1965-1967, tydens die tyd van die Republiek van Turkye, is die keëldak herstel. Tydens die laaste restourasiewerk in die 1960's is die hout-binnekant met sement vervang. Dit is daarna vir die publiek oopgestel.

’n Panoramiese uitsig vanaf die Galata-toring tydens die laat Ottomaanse tydperk. Die agtergrond van die middelste 4de, 5de en 6de raampies stem ooreen met die panoramiese foto onder.
Lêer:Golden Horn Panorama Istanbul.jpg
’n Panoramiese uitsig op die Goue Horing in Istanboel, soos gesien vanaf die Galata-toring. Die Galata-brug kan in die middel gesien word. Seraglio-punt, waar die Topkapı-paleis geleë is, kan op die linkerpunt van die historiese skiereiland gesien word, met onder andere (van links) die Aya Sophia, die Blou Moskee, die Nuwe Moskee naby die Galata-brug, die Beyazıt-toring wat hoog op die agtergrond uitsteek en die Süleymaniye-moskee heel regs. Die See van Marmara en die Prinse-eilande kan op die agtergrond aan die horison gesien word. Heel links is die Kadıköy-distrik aan die Asiatiese kant.

Verwysings

Hierdie artikel is merendeels vertaal vanaf die Engelse Wikipedia-artikel [1]

Eksterne skakels

41°1′32″N 28°58′27″E / 41.02556°N 28.97417°O / 41.02556; 28.97417