Bloemfontein

Bloemfontein Bloemfontein Lêer:Bloemfontein.jpg Parlement van die Oranje-Vrystaat
Kaart	Wapen
	Lêer:Coats of Arms of None.jpg
	Vlag
Land	Suid-Afrika
Administratiewe gewes	Vrystaat
Koördinate	29°7′11″S 26°13′30″O
Stigting	1846
Klimaat
Tipe	Subtropiese klimaat
Oppervlakte:
- Totaal	46,55 vk km
Hoogte bo seevlak	1 395 m
Bevolking:
- Totaal (2007)	369 568
- Gemiddelde jaarlikse temperatuur	16,5 °C
- Gem. temp. Januarie/Julie	23 / 9,5 °C
- Bevolkingsdigtheid	7939/vk km
Tydsone	SAST / UTC +2
- Somertyd	Geen
Amptelike webwerf	bloemfontein.co.za

Bloemfontein is die hoofstad van die Suid-Afrikaanse provinsie Vrystaat en die sesde grootste stad van Suid-Afrika, met 'n oppervlakte van 465,5 vierkante kilometer en meer as 500 000 inwoners. Dit is sedert die jaar 1910 ook sy regterlike hoofstad.

Bloemfontein lê in hart van die Vrystaat se sentrale plato en is een van die min stede met 'n wildtuin in sy sentrum. Die naam van die stad verwys al na 'n fontein met blomme - oorspronklik 'n waterplek van die Boesmans. Bloemfontein staan nog steeds vir sy blommeprag bekend en dra die trotse bynaam "Rosestad".

Vandag is Bloemfontein 'n moderne stad met wolkekrabbers, winkelsentrums en restourante, met die Sand du Plessis-teater as een van sy kenmerkendste argitektoniese besienswaardighede. Tegelykertyd het Bloemfontein sy kulturele erfenis bewaar, en die stad spog met pragtige historiese geboue soos die Raadsaal, een van die mooiste in Suid-Afrika.

Etimologie en bynaam

Die Afrikaanse naam beteken "blommefontein" en die Sotho naam, Mangaung, beteken "die plek waar die jagluiperds (Cheetah) dwaal". Daar word dikwels na die stad verwys as die "Stad van Rose", afkomstig van die verskeidenheid rose wat goed aard in die klimaat en jaarliks vanaf lente tot diep in die herfs 'n blommeprag oplewer.

Geskiedenis

As 'n nalatenskap van die Groot Trek is die Bloemfonteingebied reeds as plaas bewoon deur die Voortrekker, ene J.N. Brits. Die dorp is in 1850 die eerste keer as 'n woongebied verklaar, vier jaar voor die stigting van die Oranje-Vrystaat. In 1899 is die Bloemfontein Konferensie gehou, wat (sonder sukses) gepoog het om die uitbreek van die Anglo-Boere-oorlog te vermy. Die behoefte aan 'n perdesiekte-vrye gebied gedurende die Anglo-Boere-oorlog het meegebring dat ene Majoor H.D. Warden hier gevestig het. Op 13 Maart 1900 het Britse magte die stad oorgeneem.

Kultuur

Kultureel is die stad toonaangewend. Skeppende werk op die gebied van uitvoerende kuns, beeldende kuns, letterkunde en skilderkuns word gedoen. Die stad huisves elke jaar die nasionale Kunswedstryd.

Teaters: Sand du Plessis; Sterrewag; Wynand Mouton; Stadskouburg. Die Sand du Plessis teater is een van die grootste en beste in die Suidelike Halfrond met 'n kapasiteit van ongeveer 1000. Die teater huisves ook die Vrystaatse Simfonie Orkes(FSSO).

Museums: Nasionale Museum; Oorlogsmuseum; Freshford; Nasionale Afrikaanse Letterkundige Museum en Navorsingsentrum (NALN); Oliewenhuis.

Infrastruktuur

'n Treinspoor is in 1890 gebou om Bloemfontein en Kaapstad te verbind. Trajekte netwerk tans met alle industriële gebiede en toeriste-bestemmings. Die Bloemfontein kommersiële lughawe skakel met alle plaaslike lughawens en ook die Lesotho-buurland. Tempe-lughawe verleen landingsgeriewe aan kleiner siviele lugruimgebruikers. As sentrale bestemming, vertak die Nasionale padnetwerk na al die vernaamste industriële stede en toeriste-bestemmigs -- kusgebiede: Kaapstad, Port Elizabeth, Oos-Londen en Durban; en binnelands, Johannesburg en Kimberley. Die provinsiale padnetwerk sprei ook na ander sentra in die land.

Geografie

Die Bloemfontein in Bloemfontein.

Die stad is geleë by 29 grade suidelengtegraad en 26 grade oostebreedtegraad en is 1 395 meter bo seespieël.

Demografie

Statistiek van die munisipaliteit in 2003 dui op 'n bevolking van ongeveer 500 000 inwoners. Die groter Mangaung munisipale gebied huisves meer as 1 000 000 inwoners, en sluit Botshabelo en Thaba Nchu in.

Ekonomiese basis

Onderwys (Universiteit van die Vrystaat en Sentrale Universiteit vir Tegnologie), ligte nywerheid, spoorweg-aanleg (sedert laat 1990's in mindere mate), Provinsiale administrasie en groter Mangaung munisipaliteit. Die stad geniet bestendige groei, te danke aan volgehoue verbreding van die plaaslike ekonomie. 'n Sosiale en maatskaplike onderbou word gehandhaaf en die aantrekkingskrag van 'n landelike karakter van die sesde grootste stad in Suid-Afrika maak dit die ideale vestigingsgebied vir sy inwoners.

Bekende boorlinge van Bloemfontein

• Die skrywer J.R.R. Tolkien is op 3 Januarie 1892 in Bloemfontein gebore.
• Hansie Cronje - voormalige krieketaptein vir Suid-Afrika
• Zola Budd - wêreldbekende atleet
• Alan Donald
• Kepler Wessels
• Al Debbo
• Steve Hofmeyer
• Lucas Maree

Eksterne skakels

• http://www.mangaung.co.za - munisipale webwerf