Apollonios van Tyana

Appollonius van Tyana is 'n Griekse filosoof, afkomstig van Tyana in die Romeinse provinsie Kappadosië in Klein Asië wat in dieselfde tyd as Jesus Christus geleef het.

Oorsprong

Philostratus, die ouderling (c.170-247 n.C.) het 'n boek geskry oor Appollonius van Tyanna op versoek van Keiserin Julia Domna. Keiserin Julia Domna het in 217 n.C. selfmoord gepleeg voordat Philostratus sy boek oor Appollonius klaar kon skryf. Philostratus plaas die lewe van Appollonius van 3 b.C. tot 97 n.C. Philostratus beweer dat hy toegang gehad het tot die dagboek van Damis 'n navolger van van Appolonius. Volgens Philostratus het Appolonius gewoon in die hof van die Koning van Vardanes I wat tussen 40 n.C. en 47 n.C.geregeer het.

Lewe

Appollonius se geboorte word as 'n wonderwerk beskryf waarna sy lewe word uitgebeeld as 'n wandelende leermeester in filosofie asook 'n wonderwerker. Alhoewel hy in Griekeland en Klein Asië aktief was het hy ook gereis na plekke soos Italië, Spanje, Noord Afrika, Mesopotamië, Indië en Etiopië. Appolonius was 'n navolger van Pythagorasvan 'n vroeë ouderdom. Hy het soos Pythagoras aangetrek in 'n wit kleed en het kaalvoet of met sandale geloop. Hy het al die reëls van Pythagoras nagevolg sonder enige kompromie. Hy het homself uitgepreek teen warm beddens, die eet van vleis en die drink van wyn aangesien dit volgens hom afbreek gemaak het aan die krag van konsentrasie. Hy het gehou by 'n vrugte dieet en het suiwer water gedrink. Op die ouderdom van 20 het Appollonius begin met 'n tydperk van stilte wat vir 5 jaar geduur het. Na die tydperk het hy na Mesopotamië en Iran gereis. Philostratus, in die beskrywing van Appollonius se lewe verwys na verskeie keisers naamlik: Nero, Titus, Domitian en Nerva. Volgens Philostratus het Appollonius Rome binne gegaan in 'n tyd toe keiser Nero alle filosowe verban het. Later toe hy in die hof moes verskyn vir sy eie verdediging wat hy botweg die Keiser ontken. Hy was aangekla dat hy saamgesweer het teen die keiser, menslike offerande gebring het en 'n plaag voorspel het deur van towerkrag gebruik te maak. Volgens Philostratus is Appolonius van Tyana by afsterwe opgeneem in die hemel by die tempel van Artemis Dyctyanna in Krete tesame met dit kore van maagde wat hom na die hiernamaals vergesel het.

Apollonius en Jesus Christus

Daar is verskeie parallelle wat getrek word tussen die lewe van Appolonius en die van Jesus Christus. In die 5de eeu het vroeë Christene beweer dat Philostratus die verhaal van Appolonius geskoei het op die lewe van Jesus Christus. 'n Groot aantal kenners voer egter verskeie argumente aan wat daarop dui dat Philostratus nie bekend was met die "Nuwe Roomse Godsdiens" nie aangesien die Christelike kerk lank na Philostratus se boek eers die Kanon en die Christelike leer bevestig het. Daar word vandag steeds lyne van ooreenkomste getrek tussen die verhaal van Appolonius en die van Jesus Christus in die Nuwe Testament.