Subspesie

'n Subspesie is in die Biologiese sistematiek die taksonomiese rang net onder spesie. In plantkunde word subspeies verder verdeel in variëteite en vorms terwyl dit in dierkunde en bakteriologie die laagste rang is. Dit stel taksonomiese 'n sekondêre kategorie wat slegs gebruik word indien nodig. Dit kan beskou word as die versameling fenotipies soortgelyke bevolkings van 'n spesie wat 'n geografiese deelgebied van die verspredingsgebied van die spesie bewoon en dit taksonomies van ander bevolkings in die spesie onderskei.

Soos all nie-spesie taksa (Genus, Phylum, Ryk ens.) is subspesies nie objektief definieerbaar nie en berus dit op konvensie. Die term verskil fundamenteel van spesie en daar is geen kriterium vir die kategorie subspesie wat nie kunsmatig is nie.

Voorbeeld

1793 skets van 'n kwagga hings in Lodewyk XVI se menagerie by Versailles.

Vlakte Sebra voorbeeld: Grant's Zebra (E. quagga boehmi)

Grevy se Sebra, Equus grevyi in die Leipzigse Dieretuin

Die verskil tussen spesie en subspesie kan geïllustreer word deur die verskillende Sebraspesies en subspesies te beskou. Die sebras word in Grévy se sebra is:

• Genus: Equus
  • Subgenus: Hippotigris
    • Vlakte sebra, Equus quagga
      • Kwagga, Equus quagga quagga (uitgestorwe)
      • Burchell se sebra, Equus quagga burchellii (sluit Damara sebra in)
      • Grant se Sebra, Equus quagga boehmi
      • Selous se Sebra, Equus quagga borensis
      • Chapman se Sebra, Equus quagga chapmani
      • Crawshay se Sebra, Equus quagga crawshayi
    • Bergsebra, Equus zebra
      • Kaapse Bergkwagga, Equus zebra zebra
      • Hartmann se Bergkwagga, Equus zebra hartmannae
  • Subgenus: Dolichohippus
    • Grevy se Sebra, Equus grevyi

Daar kan drie Sebra spesies onderskei word naamlik die Vlakte Sebra, die Bergsebra and Grevy se Sebra. Beide die Vlakte Sebra en die Bergsebra word verder onderverdeel in onderskeidelik ses en twee subspesies. Vroeër is gemeen dat die uitgestorwe Kwagga 'n afsonderlike spesie is, Equus quagga. Die kwagga is die eerste uitgestorwe "spesie" waarvan die DNS bestudeer is. Genetiese navorsing by die Smithsonian Instituut het daarop gedui dat dit nie 'n afsonderlike spesie is nie maar 'n subspesie wat tussen 120 000 en 290 000 van die vlakte sebra geskei het. Grevy se Sebra en die Bergkwaggas is egter wel ander spesies en nie blote subspesies nie.