Snelheid

Die snelheid van 'n ligaam verwys na die tempo waarteen die posisie van die ligaam verander of hoeveel die verplasing daarvan met tyd verander. Tensy daar 'n krag op die ligaam uitgeoefen word sal die snelheid van die ligaam nie verander nie soos per Newton se eerste wet van beweging.

Berekening

Wiskundig word snelheid as volg gedefiniëer: $v={\frac {\Delta x}{\Delta t}}$
Waar $\Delta x$ die verplasing verteenwoordig en $\Delta t$ die afgeloopde tyd verteenwoordig.

Snelhied kan gesien word as die eerste afgeleide, volgens tyd ($t$), van posisie ($x$) of die integraal van versnelling (a):

• $v={\frac {dx}{dt}}$
• $v=\int _{a}^{b}a\,dt$