Blou: Verskil tussen weergawes

in Wikipedia, die vrye ensiklopedie
Content deleted Content added
k robot Bygevoeg: vec:Blu
TjBot (besprekings | bydraes)
k robot Bygevoeg: ml:നീല
Lyn 138: Lyn 138:
[[map-bms:Biru]]
[[map-bms:Biru]]
[[mk:Сина боја]]
[[mk:Сина боја]]
[[ml:നീല]]
[[mr:निळा]]
[[mr:निळा]]
[[ms:Biru]]
[[ms:Biru]]

Wysiging soos op 19:33, 19 Junie 2010

#0000ff

Blou is een van die drie primêre bytellende kleure; blou lig het die kortste golflengte van die drie primêre kleure: nagenoeg 470 nm.

Die skoon lug op 'n sonnige dag is blou as gevolg van Rayleigh-verstrooiing van die lig vanaf die Son. Groot hoeveelhede water (H2O) lyk ook blou omdat rooi lig (van rondom 750 nm) geabsorbeer word as gevolg van die O-H strekkende vibrasie. Interessant genoeg is swaar water (D2O) kleurloos, omdat die absorbsieband lê by 'n langer golflengte (ongeveer 950 nm).

Blou in die RGB kleurspasie het koordinate <0, 0, 255>, en is die komplement van geel.

In die algemeen verwys "blou" na enige kleur vanaf blou tot siaan. Baie tale het nie aparte woorde vir blou en groen nie; sien Groen vir 'n bespreking.

Gebruik en simboliek

Lêer:Baby Blue Adult Pacifer.jpg
'n Fopspeen in babablou.
'n Duitse polisieman
Die Blou Skerm van die dood
  • 'n "Blou grap" of "blou komedie" is snaaksigheid wat verwysings na taboe-onderwerpe bevat, soos seksuele of toilethumor.[verwysing benodig]
  • "Blou" kan ook verwys na melankolie of ongelukkigheid in die volksmond. Sien ook Bluesmusiek. "Blou lug", aan die ander kant, verwys na sonnige weer en bedoel gelukkigheid.[verwysing benodig]
  • "Bloubaadjie" verwys baie keer na 'n polisieman; dit is die kleur van baie polisie-uniforms. Die polisie in Sjina het die kleur van hul uniforms van groen na blou verander in die laat 1990s, deels om hul burgerlike rol te beklemtoon.
  • Blou word ook met baie lugmagte en vlote verbind, weens die kleur van hul formele uniforms, spesifiek vlootblou vir die vloot. Die Blue Angels is 'n akrobatiese vlugeskader van die V.S. Vloot.
  • Blou word tradisioneel met seuns verbind, soos pienk met meisies gedoen word. "Babablou" is 'n pastelkleur wat met klere of linnegoed vir seuns verbind word.
  • Politiek:
  • "Blou wette" is 'n volksmondterm vir wette wat kwessies oor moraliteit beheer, soos alkohol, dobbel of seksueel-eksplisiete materiale.[verwysing benodig]
  • Die blou wimpel is 'n prys wat seders die 1860s aan skepe toegeken word wat die vinnigste trans-Atlantiese oorkruising kon maak. 'n Blou lint word ook gebruik om iets van hoë kwaliteit te beskryf, en is oorspronklik van die eerste pryse wat toegeken was in sekere atletiese of ander mededingende kompetisies.
  • Blou word ook verbind met beserings, omdat dit die kleur van 'n kneusplek is.
  • In mediese diagramme word blou gebruik om are mee voor te stel wat suurstofarme bloed terug na die hart vervoed; in werklikheid is sulke bloed eintlik 'n rooierige violet van kleur.
  • Gebruikers van Microsoft Windows gebruik die term om 'n rekenaar te beskryf wat 'n "blou doodskerm" teëgekom het.
  • Streke:
    • In Australië kan "blou" 'n geveg of argument beteken. Mans met rooi hare mag die bynaam "Bluey" gegee word.
    • Die Duitse woord vir blou word ook gebruik vir "dronk".
    • In Russies is die woord vir ligblou ook die omgangstaal vir "gay".
    • 'n "Bloufilm" is 'n omgangstaal-term vir 'n pornografiese film. Daar is ook "blou tydskrifte". Die term is mees algemeen in Brittanje, maar word ook in die Verenigde State en Israel gebruik.
    • Azzurro ('n ligblou) is die nasionale kleur van Italië.
  • Blou word gebruik om die Unie in die Amerikaanse Burgeroorlog voor te stel, teenoor die grys van die Bondstate van Amerika, beide gebaseer op die uniforms wat deur die twee weermagte respektiewelik gebruik is.
  • 'n Blou maan is die tweede volmaan in 'n kalendermaand, die derde volmaan in 'n seisoen wat vier het, of 'n maan wat blou voorkom weens sekere deeltjies in die atmosfeer. Al drie is só raar dat "een keer in 'n blou maand" beteken "feitlik nooit".
  • 'n Blou hond het 'n pelskleur wat hoofsaaklik grys of silwer is. Byvoorbeeld, sien Kerry Blouterrier vir 'n soliede "blou" pels, of Australiese Skaaphond vir blou merle.
  • Bloubladsye is die telefoongids van regeringskantore, wat as óf 'n amptelike "blou boek" of 'n afdeling in 'n kommersiële gids kan voorkom. Dít teenoor die geelbladsye of witbladsye.[verwysing benodig]

Uitdrukkings

  • "Blou bloed hê" — van hoë afkoms wees. Dit spruit vanuit die feit dat wit vel wat nie deur die son gebruin is nie maklik die bloukleurige are laat deurskyn.
  • "Iemand bont en blou slaan" — iemand slaan tot sy lyf vol kneusplekke is
  • "Die blou dam" — die see
  • "Een maal in 'n blou maand" — selde
  • "Blou Maandag" — 'n dag waarop alles verkeerd loop
  • "Iemand die blou pas gee" — Iemand in die pad steek
  • "'n Bloutjie loop" — Afgesê word deur 'n nooi / Jou doel nie bereik nie.
  • "'n Blou hoed ophê" — beheer oor 'n situasie uitoefen.
  • "'n Bloukous" - 'n Geleerde vrou wat haar van huishoudelike sake losmaak.
  • "Van blousuiker se tyd af" - van lank gelede af

Kleurkoördinate

  • Hekskode: #0000FF
  • RGB: (0, 0, 255)
  • CMYK: (255, 255, 0, 0)
  • HSV: (240, 100, 100)

Gebruik in verfwerke

Blou waterverf

Tradisioneel is blou geag as 'n primêre kleur in verfwerk, met die sekondêre kleur oranje as sy komplement, maar hierdie is nie eens met moderne wetenskaplike kleurteorie nie. Omdat die proses van pigmente meng 'n aftrekkende kleurproses is, is die ware primêre kleure in verf- en drukwerk siaan, magenta en geel, met swart wat bygevoeg word om praktiese redes.

Galery

Bronnelys

  • F.F. Odendal (hoofred.) Verklarende Handwoordeboek van die Afrikaanse Taal