Günter Grass: Verskil tussen weergawes

in Wikipedia, die vrye ensiklopedie
Content deleted Content added
Xqbot (besprekings | bydraes)
k robot Bygevoeg: pnb:گنٹر گراس
D'ohBot (besprekings | bydraes)
k robot Bygevoeg: be:Гюнтэр Грас
Lyn 29: Lyn 29:
[[ar:غونتر غراس]]
[[ar:غونتر غراس]]
[[az:Qünter Qrass]]
[[az:Qünter Qrass]]
[[be:Гюнтэр Грас]]
[[bg:Гюнтер Грас]]
[[bg:Гюнтер Грас]]
[[br:Günter Grass]]
[[br:Günter Grass]]

Wysiging soos op 14:21, 4 Julie 2010

Günter Grass in Oktober 2004 by die Frankfurter Buchmesse ("Frankfurtse Boekeskou"), Frankfurt am Main

Günter Wilhelm Grass (gebore op 16 Oktober 1927 in Danzig-Langfuhr) is 'n Duitse skrywer, beeldhouer, skilder en grafiese kunstenaar. Grass was 'n lid van die literêre Gruppe 47 en word as een van die beduidendste Duitse na-oorlogse skrywers beskou. Sy werk is in 1999 met die Nobelprys vir Letterkunde bekroon.

Belangrikste prestasies

Günter Grass, die man wat Die bliktrom (1959) geskryf het, het in 1999 die Nobelprys vir letterkunde ontvang. Hy word allerweë as Duitsland se grootse lewende skrywer beskou en een van die invloedryke figure van die twintigste eeu. Sy briljante literêre tegniek en intense sosiale en politieke gewete het van Grass 'n besonder invloedryke figuur na die Tweede Wêreldoorlog in Duitsland gemaak.

Sy eerste roman, Die Blechtrommel ("Die Bliktrom"), is in verskeie tale vertaal en was onmiddellik 'n kommersiële sukses. Sy taalgebruik, ontsaglike woordeskat tesame met sy menslikheid en deernis, het lesers beïndruk. Die Bliktrom sal een van die blywende literêre werke van die twintigste eeu bly. Die roman het in 1957, voordat dit nog gepubliseer is, die Gruppe 47 prys gewen. Grass was slegs 32. Die publikasie het gemengde reaksie ontlok en hoewel die roman gekies is vir die jaarlikse Bremenstadsprys, het die plaaslike owerheid dit verwerp weens die uitlokkende inhoud.

Grass het die Buchnerprys vir Hundesjahre ("Hondjare", gepubliseer in 1963) in 1965 ontvang en in 1980 het Volker Schlöndorff se verwerking van die Die Bliktrom 'n Oscar vir die beste buitelandse film verower.

Lewensgeskiedenis

Günter Grass is van Pools-Duitse afkoms en in 1927 gebore in die Baltiese stad Danzig (Gdansk) waar hy skool gaan en wat ook die agtergrond vorm vir die Nobelprys roman. Hy was lid van die Hitler Jeugbeweging en is deur die weermag opgeroep toe hy sestien was. Hy is gewond en gevange geneem en het 'n tydperk as krygsgevangene 'n tydperk deurgebring voordat hy in 1946 deur die Amerikaners vrygelaat is. Hy het vir 'n tydjie as plaasarbeider gewerk voordat hy in 1947 'n vakleerling by 'n klipmesselaar word. Vanaf 1949 studeer hy beeldhoukuns in Frankfurt en aan die Düsseldorf Kunstakademie, terwyl hy aan Die Bliktrom gewerk het. Hierna bly hy vier jaar in Parys. Hy publiseer 'n bundel surrealistiese gedigte wat hy self illustreer in Die Vorzüge der Windhühner (1956) en volg dit op met 'n reeks groteske toneelstukke in die tydperk vanaf 1956 tot 1957.

Daar word gesê dat Grass die groot nabetragter van die twintigste eeu se geskiedenis is en Die Bliktrommel oor kontemporêre geskiedenis besin deur die slagoffers, die verloorders en die leuens waarin mense eens in geglo het op te roep. Dit verbreek die bande van realisme as die protagonis, 'n hoogs intelligente drie jarige dwerg, Oskar Matzerath, die verhaal jare later vanuit sy hospitaalbed in 'n sielsieke-inrigting vertel. Die dwerg, skynbaar alleen, sien die verraderlike opkoms van die Nazis. In die sestigerjare het Grass baie toere onderneem, hoewel hy in Brittanje gevestig het. In daardie jare het hy poësie, dramas en romans gepubliseer, wat Hondjare (1963) insluit wat saam met Die Bliktrom en Kat en muis die Danzig Trilogie vorm. Namate die sestigerjare gevorder het, het hy aktief by politiek, die vredesbeweging en omgewingsbewustheid betrokke geraak. Grass is 'n toegewyde sosiaal-demokraat.

Sy roman, Der Butt ("Die Worstelaar"), beeld die ontwikkeling van die beskawing uit as 'n stryd tussen die mans se destruktiewe drome van grootsheid en vroulike bekwaamheid, en is 'n getuienis van Grass se ywer dat rede oor ideologie en fanatisme moet seëvier.

Grass se jongste roman, My Eeu, wat 'n deurlopende kommentaar oor die twintigste eeu is, delf oor die verstrengeling van die wortels van goed en kwaad. In Hondjare, sy mees modernistiese roman, lewer hy die volgende kommentaar: " Toe God nog op skool op die hemelse speelterrein was, het die idee by hom ontstaan om die wêreld te skep saam met sy skoolmaat, die talentvolle klein duiwel."