Addis Abeba

Addis Abeba
Kaart	Vlag
	Wapen
Land	Ethiopië
Provinsie	Addis Ababa
Koördinate	09°01′N 38°45′O
Gestig op	1886
Oppervlakte:
- Totaal	530,14 vk km
Hoogte bo seevlak	2 355 m
Bevolking:
- Totaal (2005)	3 230 771
- Bevolkingsdigtheid	6 094/vk km
- Metropolitaanse gebied	4 567 857
Tydsone	UTC +3
Burgemeester	Kuma Demeksa

Addis Abeba is die hoofstad en grootste stad van Ethiopië en lê op 'n hoogte van 2400 m.

Addis Abeba het 'n internasionale lughawe, 'n spoorlyn wat na die hawe van Djiboeti lei en 'n universiteit (1950). Belangrike bedrywe sluit tabak, voedselprodukte, tekstiele, chemikalieë en sement in.

Geskiedenis

Die stad is in 1886 gestig deur Menelik II en word reeds twee jaar later die hoofstad. Italië het die stad beset van 1936 tot 1941 toe hulle dit die hoofstad van Italiaans Oos-Afrika gemaak het.

Besienswaardighede

Die St. George-katedraal, nasionale museum, nasionale biblioteek en Menelik II se graftombe is van die besienswaardighede vir die toeris. Die stad was die hoofkwartier van die Organisasie vir Afrika-eenheid en is steeds die hoofkwartier van die Verenigde Nasies se Ekonomiese Kommissie vir Afrika en van die Afrika Unie.

Bevolking

Addis Abeba se bevolking is in 1992 geskat op 1 763 000, maar het intussen toegeneem tot 3 627 934 (2007), wat daarvan die grootste stad in 'n land wat nié aan die see grens nie, maak.

Eksterne skakels

• Addis Abeba-fotogalery
• Addis Ababa Pano
• Addis Abeba op Wikitravel
• Addis Abeba-stadsbestuur
• Addis Abeba se stadsraad
• Inleiding tot Addis Abeba
• Foto's van Addis Abeba
• Foto-galery van Addis Abeba
• Opvoedingsintstellings in Addis Abeba