Wikipedia:Geselshoekie

ak:Wikipedia:Community Portal

Sien ook:

• Wikipedia:Welkom nuwelinge wat veral op nuwelinge gemik is.
• Wikipedia:Gebruikersportaal vir nuttige skakels vir alle gebruikers.
• Wikipediabespreking:Geselshoekie vir bespreking van die toekoms van hierdie bladsy.

Verdere hulp:

Vir volledige hulp, riglyne en beleid (algemeen en spesifiek), raadpleeg gerus die

• Engelse Community Portal,
• Nederlandse Gebruikersportaal en
• Meta Wikipedia.

Argief
2004	2005	2006
2007	2008	2009
2010
Hoe word 'n argief aangelê?

Welkom by die Afrikaanse Wikipedia se algemene geselshoekie. Enigiemand is welkom om deel te neem aan die besprekings hier: teken asseblief u besprekings deur ~~~~ te tik, of die "Handtekening met datum"-ikoon () te kies op die redigeringskieslys.

Ou besprekings word na die argiewe geskuif (sien die kieslys regs). As u 'n gesprek wat in die argiewe is wil voortsit, word dit aanbeveel om die betrokke dele uit te knip en hier te plak.

Hierdie blad is vir algemene besprekings, besprekings omtrent 'n spesifieke artikel kan op daardie artikel se besprekingsblad begin word; sodoende kan dit ook deur toekomstige bydraers en redigeerders gelees word.

Internet Relay Chat (of IRC) word gebruik om aanlyn met ander gebruikers te klets. Inligting oor die Afrikaanse kletskamer is hier beskikbaar.

>>> Voeg 'n nuwe onderwerp by <<<

Johannes Jacobus Arnoldus Stefanus Kakebenius

Ek sien daar is deesdae al hoe meer mense wat onder al hulle doopname gelys word. Ek het hier geleer jy gebruik net die eerste of noemnaam, of is dit deesdae maar aanvaarbaar? Winston (kontak) 14:12, 17 April 2010 (UTC)

Nee, dis veronderstel om noemnaam/eerste naam + van te wees, tensy daar goeie rede is om dit anders te doen. Anrie (kontak) 14:46, 17 April 2010 (UTC)

Geboorteplek/datum en Sterfteplek/datum

Is dit moontlik dat 'n mens 'n gestandaardiseerde vorm kry van die geboorteplek/datum en sterfteplek/datum van artikels wat handel oor mense. James Hertzog lyk bv. soos volg: (3 April 1866, Wellington - 21 November 1942, Pretoria), Arnoldus Pannevis het nie so iets nie en Francis William Reitz lyk soos volg: (Swellendam, 5 Oktober 1844 - Kaapstad, 27 Maart 1934). Puvircho (kontak) 20:20, 18 April 2010 (UTC)

Dit is sekerlik moontlik om alles te standaardiseer, maar wat gaan ons daarby baat? Strenger reëls sal moontlik nog bydraers afskrik. 'n Vrye ensiklopedie sal steeds 'n wonderlike kreatiewe chaos wees. --Voyageur (kontak) 20:42, 18 April 2010 (UTC)

Ek voeg juis doelbewus slegs die jaartalle in, byvoorbeeld "Jan Smit (1894-1956)" met die orige inligting in 'n inligtingskas, bloot om lees te vergemaklik. Anrie (kontak) 06:14, 19 April 2010 (UTC)

Ek sou dit nie juis beskou as 'n streng reël nie, dit is slegs vir eenvormigheid in artikels. Hoe dan gemaak in die geval van mense wat nie inligtingskaste het nie? Puvircho (kontak) 09:20, 19 April 2010 (UTC)

In sulke gevalle plaas (en ook die met inligtingskaste) sou ek verkies dat die volledige inligting in die afdeling "biografie", "lewensloop", of so verskyn. As mens dink aan die inleiding van 'n onderwerp, byvoorbeeld Leonardo da Vinci, dan is die feite dat hy op 15 April gebore is of in Amboise, Frankryk, gesterf het werklik nie belangrik vir 'n opsommende stuk oor hom nie. 'n Inleiding is juis bedoel om inleidend te wees... Anrie (kontak) 09:34, 19 April 2010 (UTC)

Dit help, dankie. Puvircho (kontak) 10:31, 19 April 2010 (UTC)

Hoe skep 'n mens 'n infoboks?

Kan iemand my dalk help om 'n infoboks te skep vir 'n organisasie? Sien asseblief: http://af.wikipedia.org/wiki/Toastmasters_Internasionaal

--Lewensywer (kontak) 19:20, 20 April 2010 (UTC)

Jou kassie werk, behalwe dat die foto nie wys nie omdat dit nie op die Afrikaanse Wikipedia gelaai is nie. Daar is kopiereg op. Winston (kontak) 20:27, 20 April 2010 (UTC)

Sjabloon:Infobox airport

Please translate this template from english: {{Infobox airport}}. Newone (kontak) 04:13, 23 April 2010 (UTC)

Suid-Afrika = Spogartikel?

Die artikel se inhoud is gebalanseerd tot mens by die einde kom.

Hoekom

• Bronafdeing vir misdaad?
• Slegs 3 verwysings?

Kan dit nie dalk verbeter word nie asseblief? Daar is tog meer as net misdaad in Suid-Afrika ... ek weet ek bly hier.

PS : Ek het hierdie ook op die besprekingsblad geplaas.

Arno (kontak) 08:53, 26 April 2010 (UTC)

Jy het groot gelyk, Arno: daar is meerdere spogartikels wat nie werklik verdien om hierdie naam te dra nie. Ek kan steeds nie glo dat hierdie weergawe van "Arktiese Oseaan" as voorbladartikel gekwalifiseer het nie. Dit terwyl die artikel ons meedeel dat "die oseaanbodem word gekenmerk deutr fault-block ridges, diepseevlaktes, ocean deeps, en bekkens".

Die feit dat die ou riglyne geheel en al ignoreer was het grootliks hiertoe bygedra - in prinsiep het iemand 'n artikel genomineer, niemand dit werklik deurgelees nie (en dus ook nie die nominasie teengekant nie) en is die artikel dan as voorbladartikel aangestel indien niemand binne 'n week ('n week!) van die nominasie beswaar aangeteken het nie (ondersteuning van ander gebruikers was ook nie 'n vereiste nie).

Ek sou hoop dat die huidige riglyne 'n goeie filter is, maar op die ou einde van die dag lees steeds min mense artikels werklik deur voordat hulle dit ondersteun. Daarom dat geen artikel aangestel meer word voordat dit nie deur 'n bydraer anders as die outeur/nomineerder geproeflees is nie (en natuurlik aan die vereistes in die riglyne voldoen). Anrie (kontak) 09:09, 8 Mei 2010 (UTC)

Hoe word Menseregte dag en Vryheidsdag in Suid-Afrika gevier

→ Hierdie gesprek is na die Navraagafdeling verskuif.

Dubbelsinnige artikels (meer as een betekenis vir 'n onderwerp)

Ek het onlangs die artikel Termiese straling geskep. Die artikel Straling se inhoud stem min of meer ooreen met Elektromagnetiese straling. Wat is die regte manier om Straling en Elektromagnetiese straling te laat saamsmelt, en dan Straling se inhoud te verander sodat die verskillende onderwerpe van Straling gewys word? Atoom (kontak) 08:57, 7 Mei 2010 (UTC)

Jy kan die inligting van die een artikel na die ander spoeg-en-plak. Dui dit net duidelik in die wysigingsgeskiedenis van beide artikels aan. Groete. Anoniem– Hierdie ongetekende kommentaar is deur 198.54.206.88 (Bespreking • Bydraes) gelewer.

Dankie, ek het eerder 'n dubbelsinnige blad geskep. Al drie onderwerpe is wel verskillend. Atoom (kontak) 09:51, 7 Mei 2010 (UTC)

15000 artikels

Atoom het gister die 15000'ste artikel geskep, Chemiese oplossing. Anrie (kontak) 08:31, 8 Mei 2010 (UTC)

Interessant dat die artikel, soos alte veel van sy voorgangers op pad na die luisterryke mylpaal, 'n saadjie is (met twee sinne en 34 woorde). Morne (kontak) 16:59, 8 Mei 2010 (UTC)

Twee wonderlike soet sinne. Welgedaan Atoom! Mag jou artikels die Afrikaanse kuberruimte soos 'n kernsplitsing vul. Groete. Anoniem– Hierdie ongetekende kommentaar is deur 41.240.167.78 (Bespreking • Bydraes) gelewer.

Ek het die artikel uitgebrei deur die Engelse artikel te vertaal. Ietwat onseker oor van die terminologie. Dis darem nie meer 'n saadjie nie :-D --Setzor (kontak) 16:38, 12 Mei 2010 (UTC)

Dankie Setzor! 'n Saadjie is altyd 'n goeie begin, en dis wonderlik om te sien hoe mense hulle verder uitbrei! Groete. Anoniem– Hierdie ongetekende kommentaar is deur 41.240.187.27 (Bespreking • Bydraes) gelewer.

Ek dink wat Morné bedoel is dat ons 4000+ van hierdie "goeie beginne" het en ongelukkig word die meeste net nooit uitgebrei nie; soos Aldealpozo, wat nou al 2,5 jaar 'n "munisipaliteit in die provinsie Soria in die Spaanse outonome gebied Kastilië en León" is. Sulke artikels benadeel helaas 'n Wikipedia se reputasie. Anrie (kontak) 19:43, 12 Mei 2010 (UTC)

Meeste andertalige wikipedias het daai artikel as 'n een sin saadjie. Dit kan regtig nie hier meer skade aanrig as op die ander wiki's nie. Ek wonder soms of van die groter projekte nie 'n groter verhouding saadjies het nie. Is daar sulke statistieke? Aan die ander kant moet mens ook onthou dat soveel van die saadjies al in pragtige artikels ontwikkel het. Groete. Anoniem– Hierdie ongetekende kommentaar is deur 41.240.187.27 (Bespreking • Bydraes) gelewer.

Ons het tenminste 'n ietwat langer artikel oor die provinsie Soria as die meeste ander projekte. Maar wat kan ons oor 'n Spaanse gehuggie met 26 inwoners soos Aldealpozo skryf? En watter Afrikaanssprekende stel daarin ooit belang? Lesers gee nouliks terugvoer oor dinge wat hulle hier graag wil sien. Mense wat graag 'n bietjie Spaanse tekste wil vertaal het nou in elk geval 'n nuwe skakel na die webwerf Castillos de Soria. En ja, Aldealpozo het sy eie kasteel... Ek sien kans vir 'n interessante artikel. Ons het dan egter ook hoofartikels oor die Spaanse geskiedenis ens. nodig. Vrywilligers wat 'n vertaling wil aanpak? --Voyageur (kontak) 21:35, 12 Mei 2010 (UTC)

Nederlandse stede en provinsies

Ek sien daar word nou bietjie aangejaag met die Nederlandse stede en provinsies. Gebaseer op bestaande artikels wil ek die volgende voorstel:

• Groningen vir die stad, met 'n skakel bo-aan die bladsy na
• Groningen (provinsie)

Dis die eenvoudigste manier en gebruikervriendelikste. Daar word baie meer na die stede as hul gelyknamige provinsies, ens. verwys. Anrie (kontak) 15:12, 11 Mei 2010 (UTC)

Ek aanbeveel:

• Groningen, stad vir die stad
• Groningen, provinsie vir die provinsie

Wikix (kontak) 15:22, 11 Mei 2010 (UTC)

In so 'n geval sal Groningen onnodig 'n dubbelsinnigheidsbladsy moet wees, wat beteken dat die meerderheid lesers wat eerder oor die stad as oor die provinsie wil lees, nog 'n ekstra bladsy moet besoek voor hulle by hul doelpunt kom. (Vir besoekers wat die artikel oor die provinsie wil lees, sal dit nie 'n verskil maak nie, aangesien beide 'n dubbelsinnigheidsblad en die artikel oor die stad bo-aan na die pronvinsie se artikel sal skakel.)

Mense wat dink twee keer kliek is nie soveel moeite nie, het heel duidelik nog nie met 'n plattelandse Telkom-verbinding gewerk nie. Plus dis irriterend om konstant dubbelsinnigheidsblaaie onnodig teë te kom (een van die euwels van die Engelse en Nederlandse Wikipedias). Anrie (kontak) 15:23, 11 Mei 2010 (UTC)

Goed, jy maak:

• Groningen vir die stad
• Groningen, provinsie vir die provinsie

In so'n geval is 'n dubbelsinnigheidsbladsy nie nodig nie. Wikix (kontak) 15:27, 11 Mei 2010 (UTC)

Skrap van Bergen - onnodige dubbelsinnigheidsblad

Ek stel voor dat die dubbelsinnigheidsblad Bergen geskrap en as Bergen (dubbelsinnigheid) herskep word sodat Bergen, Noorweë weer onder die titel Bergen gelys kan word aangesien dit die enigste internasionaal bekende nedersetting met hierdie naam is. --Voyageur (kontak) 16:26, 11 Mei 2010 (UTC)

Hierdie geval is baie minder duidelik as byvoorbeeld Amsterdam en Amsterdam, Mpumalanga. In alle eerlikheid vind ek dat 'n dubbelsinnigheidsbladsy in hierdie geval nie skaad nie, veral aangesien so 'n groot aantal Afrikaners deesdae ook België besoek. Ek sal graag wil hoor wat ander gebruikers hiervan sê. Anrie (kontak) 16:39, 11 Mei 2010 (UTC)

Die dubbelsinnigheidsblad skaad nie, maar moet beperk bly tot al die kleiner nedersettings met hierdie naam en as Bergen (dubbelsinnigheid) verskyn. Ek gaan steeds daarvan uit dat "Bergen" in België in Suid-Afrika feitlik onbekend is. Die Namibiese en Suid-Afrikaanse pers verwys, net soos die res van die wêreld, meestal na Mons (Die Republikein skryf oor die "Slagter van Mons", 'n reeksmoordenaar, en die sportuitslae in Beeld ens. het Parys naas Mons). Dit is twyfelagtig of 'n relatief onbeduidende nedersetting ("onbeduidend" vanuit 'n internasionale perspektief gesien) in 'n moderne ensiklopedie onder 'n naam gelys moet word waarin slegs 'n handjievol Neerlandici moontlik nog belang stel - en probleme skep vir gebruikers wat Bergen in Noorweë graag onder hierdie naam wil vind. Terwyl die groot aantal Afrikaners wat België of ander lande besoek hul reiservarings tot dusver dan ook nog nie deur middel van artikels met ons deel nie - met enkele noemenswaardige uitsonderings. --Voyageur (kontak) 17:56, 11 Mei 2010 (UTC)

Die verwysings na "Bergen" wat ek op die Afrikaanse 'net kon vind dui juis daarop dat dit *nie* feitlik onbekend is nie. Die pers verwys na "Mons" én na "Bergen", net soos hulle na "Munchen"/"München"/"Munich" verwys: terwyl Beeld se sportafdeling miskien "Mons" verkies, skryf die vermaakafdeling oor "Bergen".

Ek dink dus dat dit nie wys sal wees om in ieder geval te begin stry oor wat die stad se naam in Afrikaans moet wees nie - ons weet reeds dat dit "Bergen" is, dus is die vraag of Afrikaners 'n duidelike voorkeur vir die een bo die ander sou hê wanneer hulle in die Afrikaanse Wikipedia na "Bergen" sou soek. Ons kyk dus nié vanuit 'n internasionale perspektief nie, maar vanuit 'n Afrikaanse perspektief.

Ek voel steeds dat die antwoord op die bogestelde vraag "nee" is. Indien dit Bergen in Libië, Afghanistan of Ecuador was, was dit geen probleem nie, maar dit staan soos 'n paal bo water dat daar baie Afrikaners is wat uit België kom of daar familie het (hetsy oorspronklike Belge of expats), soveel so, dat ek nie jou voorstel as voor die hand liggend kan beskou nie. Anrie (kontak) 08:29, 15 Mei 2010 (UTC)

Kategorie aansture

Ek het 'n Kategorie aanstuur-sjabloon gemaak maar dit lyk nie of Wikix daarvan hou nie. Dit word algemeen op ander wikipedias gebruik en ek het gedag dit kan help. Wat dink julle? Reg of weg? Groete. Anoniem– Hierdie ongetekende kommentaar is deur 198.54.206.87 (Bespreking • Bydraes) gelewer.

Nie vir oorbodige kategorieë nie. Wikix (kontak) 12:30, 14 Mei 2010 (UTC)

Ek stem gedeeltelik saam. Dit is nie vir foutiewe kategorieë nie, maar wel vir dubbelsinnige kategorieë. Byvoorbeeld: Geskiedenis van Suid-Afrika vs. Suid-Afrikaanse geskiedenis. Net een van die twee kan die regte kategorie wees. Hier is die beskrywing vanaf die Engelse sjabloon: "his tag should be used on existing categories that are likely to be used by others, even though the "real" category is elsewhere. Redirected categories should be empty and not categorised themselves. It should not be used on categories that are misspellings and thus unlikely to be used by other people." Groete. Anoniem– Hierdie ongetekende kommentaar is deur 198.54.206.87 (Bespreking • Bydraes) gelewer.

Vrae wat pla

→ Hierdie gesprek is na die Navraagafdeling verskuif.

Soeke na kunstenaar: SG Popoff

→ Hierdie bespreking is na die Navraagafdeling verskuif.

en:Portal:Current events/Events by month

What do you think about monthly articles between 2000 and 2010? If you want, you can translate other-language articles like the english or german ones. By this way you can get 120 new interesting articles. As first step, you can archive the news from Sjabloon:Aktueel by each day. Groete, -- JCIV (Besprekings | Bydraes) 11:09, 29 Mei 2010 (UTC)

pp-template

Hallo almal.

Ek sien dat sjabloon:pp-template op heelwat sjablone gebruik word. Dit werk nie tans nie. Indien ons die funksionaliteit benodig kan ek probeer plan maak om dit aan die werk te kry. Indien nie kan ons dalk net leë sjabloon bladsye skep sodat dit nie op plekke soos hier onnodig gelys word nie.

Ek verneem graag van julle.

Groete, Arno (kontak) 11:50, 2 Junie 2010 (UTC)

Haai, Arno. Die sjabloon self dien geen ander funksie as om gebruikers in te lig dat die sjabloon gesluit is (nie gewysig kan word) nie. Meeste (alle?) sjablone hier is egter nie gesluit nie, maar die sintaks {{pp-template}} word dikwels oorgekopieer saam met die res van die geslote Engelse sjabloon. In prinsiep kan die sintaks wat die sjabloon oproep dus verwyder word. Anrie (kontak) 13:09, 2 Junie 2010 (UTC)

Dankie Anrie. Ek sal voortgaan om huidige sjablone wat dit gebruik reg te maak. Indien dit later nodig raak vir sjabloonbeskerming dan sal ek die berskermingsjabloon regmaak. Arno (kontak) 09:31, 7 Junie 2010 (UTC)

Dankie vir jou moeite, Arno. Anrie (kontak) 09:39, 7 Junie 2010 (UTC)

Artikelverwydering

'n Paar gebruikers (ook in die verlede) blyk die gevoel te hê dat die Afrikaanse Wikipedia homself meer beperk as ander Wikipedias en dat ons hier artikels meer en vinniger verwyder. Ek voel persoonlik dat een van die grootste voordele van 'n kleiner projek soos hierdie die feit is dat ons die kwaliteit beter kan oorsien en sodoende vinniger ontslae kan raak van onvanpaste artikels. Wat beleid betref is ons definitief nie meer beperkend as ander Wikipedias nie - dis net dat ontoelaatbare artikels uiters maklik op groter projekte kan insluip en dan jare daar bly voordat mense hulle verwyder of omskep.

Ek was egter nuuskierig oor hoe dinge by ander Wikipedias verloop en het dus 'n draai gaan maak:

• Op die Engelse Wikipedia is in April 2010 'n totaal van 2197 artikels vir verwydering genomineer. Dis 'n omgerekende 26 264 per jaar, of 0,794% van hul artikeltotaal.
• By die Duitse Wikipedia is in April 2010 'n totaal van 1301 artikels vir verwydering genomineer. Dis 'n omgerekende 15 612 per jaar, of 1,448% van hul artikeltotaal.
• By die Nederlandse Wikipedia nommer hulle nie die verwyderingsnominasies nie en ek het nie lus gehad om 'n hele maand s'n te tel nie. Ek het wél 'n willekeurige dag gekies (14 April), waarop 41 artikels vir verwydering genomineer is, dus ongeveer 1230 per maand, of 0,203%, maar dis 'n onbetroubare getal.
• By die Afrikaanse Wikipedia kon 'n gemiddeld slegs verkry word deur al die genomineerde artikels vir 'n jaar te tel, dus het ek Mei 2009-April 2010 gekies. In hierdie jaar is daar 31 artikels vir verwydering genomineer, of (toevallig ook) 0,203% van ons artikeltotaal.

Dus, aangesien ons beleide in prinsiep dieselfde artikels toelaat en ons self 'n kleiner persentasie van ons artikels per jaar vir verwydering nomineer, blyk dit nie dat ons meer beperkend is as die groter Wikipedias nie (ek het nou slegs die in berekening geneem waarvan ek die taal kon verstaan, anders navigeer mens maar moeilik tussen die argiewe). Anrie (kontak) 09:42, 8 Junie 2010 (UTC)

Sou jy verkies dat ons eerder khumbaja sing elke keer as jy iets wat met goeie bedoelings geplaas is (en buitendien herbruikbaar is) verwyder? Ek kan dit slegs ondersteun as al die konstruktiewe opsies uitgeput is. Baai. Ekke– Hierdie ongetekende kommentaar is deur 41.240.176.18 (Bespreking • Bydraes) gelewer.

Net omdat iets met goeie bedoelings geplaas is en dit herbruikbaar is, beteken lank nie dat dit vir Wikipedia geskik is nie, anders het ek lankal 'n lang artikel oor myself en my stokperdjies geskryf (met die beste bedoelings) en 'n lys van die beste Italiaanse restaurante in Suid-Afrika (herbruikbaar). Teken asseblief jou bydraes op besprekingsbladsye met vier tildes (dis goeie maniere) en, as jy wil hê dat gebruikers hier jou ernstig moet opneem, sou ek 'n naam kies en daarby hou, i.p.v. elke dag iets anders (maar dis jou keuse). Anrie (kontak) 10:40, 19 Junie 2010 (UTC)

Ek dink jy het die punt effe gemis hier. Met herbruikbaar bedoel ek natuurlik binne al julle reëls. Met ander woorde, nie dit tipe artikels wat gereeld hier vir verwydering gemerk word nie. Bygesê, ek sal my kommentaar teken soos ek wil. Jy betaal my nie en ek is ook nie 'n pion wat jy kan manipuleer soos jy wil nie. As dit jou irriteer moet jy dit maak self regmaak of my verban. Kies self. Soveel vir 'n "vrye" ensiklopedie... Baai.– Hierdie ongetekende kommentaar is deur 41.240.176.18 (Bespreking • Bydraes) gelewer.

Sjoe! Rustig aan, soos die Nederlanders sê. My kommentaar rakende jou naam was bloot 'n voorstel, dié dat ek gesê het "maar dis jou keuse". Daar word van bydraers verwag om tydens hulle gesprekke hul bydraes met vier tildes te onderteken: dit voeg nie slegs hul IP-adres/gebruikersnaam by nie, maar ook die datum en tydstip van die kommentaar, sodat dit nie later uit konteks gelees word nie. Bowendien is dit goeie maniere om nie ongetekende besprekings te plaas nie. Dit kan nouliks as "moeite" beskryf word om dit te doen, maar uiteindelik dra dit tot die gesprek by. Verder het niemand geïnsinueer dat jy 'n pion is nie. Anrie (kontak) 12:42, 19 Junie 2010 (UTC)

Nou los my handtekening hier uit en moenie verder aan my neuk nie. As hier nie so baie misoeste was nie sou ek selfs my regte naam gebruik het. Baai. Ekke– Hierdie ongetekende kommentaar is deur 41.240.176.18 (Bespreking • Bydraes) gelewer.

Let asb. dat jou kortaf opmerkings en gebruik van woorde soos "misoeste" en "neuk" as onbeleefd ervaar word. Selfs al stem gebruikers nie saam oor iets nie, kan mens besprekings plesierig hou deur mekaar op 'n respekvolle wyse aan te spreek. Anrie (kontak) 14:07, 19 Junie 2010 (UTC)

Herinner ons net gou, wie het met die persoonlike aanval begin? As die skoen pas, trek hom aan.– Hierdie ongetekende kommentaar is deur 41.240.176.18 (Bespreking • Bydraes) gelewer.

(uitgekeep vir leesbaarheid)Sover ek bewus was het ek jou nog nooit persoonlik aangeval nie, maar jy is welkom om dit uit te wys as dit wel gebeur het. In elk geval is ek jammer dat jy dit so opgeneem het. Anrie (kontak) 14:29, 19 Junie 2010 (UTC)

Nou ja, ek kon seker meer takt aan die dag gelê het. Verskoning is aanvaar, maar my handtekening is steeds nie oop vir bespreking nie. Groete. Anoniem– Hierdie ongetekende kommentaar is deur 41.240.176.18 (Bespreking • Bydraes) gelewer.

Dis nie vir jou om te bepaal wat oop is vir bespreking nie. Veral nie iemand wat nie eers sy kommentaar wil teken nie. Groete hansjoseph (kontak) 12:56, 20 Junie 2010 (UTC)

Nou toe nou! Hier is nog 'n kommentaar om jou oor op te werk. Dit het natuurlik steeds niks met die onderwerp te doen nie, maar moet asseblief nie dat dit jou terughou nie. Lekker middag verder. Steeds-sonder-handtekening– Hierdie ongetekende kommentaar is deur 41.240.172.180 (Bespreking • Bydraes) gelewer.

Aitsa ... maar die mense is lewendig! As ek net my (ondertekende) stukkie kan byvoeg. Tydens gesprekke is dit gewoonlik goeie maniere om jou naam (selfs al is dit 'n skuilnaam) by te voeg. Dit help darem om jouself te kan verbeel jy voer 'n gesprek met 'n persoon. Dit bly egter steeds vrywillig, niemand sal jou dwing om dit te doen nie. Daar is wel die effek van familiariteit : Indien jy jou kommentaar onderteken (selfs al is dit 'n skuilnaam) help jy jouself om aansien in die gemeenskap te vestig. "Jy kan jou stem begin dik maak". Indien jy anoniem bly (ek gaan nie elke keer probeer sien of jou IP-adres dieselfde is as die vorige plasing nie) dan gaan mense net 'n beperkte gewig aan jou kommentaar koppel. Maar dis steeds vrywillig. "Vrye"-Ensiklopedie se idee is dat enige een konstruktief kan bydra, maar om dit te bewerkstellig moet daar kontrole uitgeoefen word op watter bydraes as "konstruktief" beskou word. Dus dan ook die "vrye" verkiesing van administrateurs en burokrate wat dan namens die gemeenskap orde handhaaf. So ja ek sing "kumbaja" elke keer as enige admin (as vrywilliger in hul vrye tyd) hulle deel doen om die ensiklopediese inligting op goeie standaard te hou. Groete vir sproete en dankie aan almal vir hul harde (vrye) werk. NS: Anrie, ek stem saam dat ons tans op die regte manier (en teen 'n gepaste tempo) artikels verwyder. Arno (kontak) 14:02, 1 Julie 2010 (UTC)

Interessante opinie. Ek het wel rekeninge hier, maar anonimiteit is soveel meer pret. Dit gee nuwe dimensies aan 'n gesplete persona. Jy kan (binne perke) bietjie stout wees, of die goeie seuntjie speel soos jy in jou boodskap gedoen het. En die beste: as jy iemand anders wil wees, skakel jy eenvoudig jou "router" af en aan en siedaar - 'n nuwe IP-adres waaroor mense hulself van voor af kan opwerk! Baai. Anoniem-met-'n-gebruiker

Portale

Ons het so ruk terug gesit en stry oor portale, waaruit dit 3 vir en 2 teen is. Ek het aangeneem dat die mense ten gunste van portale meer sou gaan uitvind oor hoe mens dit hier kan oprig, maar, tensy ons slegs nie van hul ervarings vertel is nie, neem ek aan niemand het nie.

Die twee teen was ek en Alias. Alias is nou weg en ek voel self dat met die nodige riglyne dit nie die einde van die wêreld hoef te wees nie. Ek het reeds 'n paar maande gelede begin rondsnuffel oor waar mens dit moet aanvra en vanoggend uiteindelik 'n antwoord gekry. By my versoek moet ek egter meld dat daar konsensus is oor die ingebruikneming van portale, dus wil ek maar net vinnig hoor of daar enige nuwe gebruikers is wat nié ten gunste is daarvan nie.

Tweedens, met 'n ogie op die riglyne, voel ek dat die volgende belangrik is:

• Vooraf goedgekeurde afdelings wat 'n portaal mag bevat, om te keer dat dit nie 'n aanhangerswerf word nie. (Met "afdelings" dink ek nou aan dinge soos "inleiding", "spogartikel", "spogbeeld", 'n "to-do" lys, ens., en dus liewer nie "my gunsteling artikels oor onderwerp X" nie.)
• Reëls soos neutraliteit ens. wat vir artikels geld, geld ook vir portale.
• Alle weergawes van 'n portaal behoort 'n oorspronklike "statiese" weergawe te hê, met ander woorde, 'n weergawe wat nie sal verouder nie, dus geen "aktueel"-afdeling of iets dergeliks nie. Indien 'n portaal nie opgedateer word in (sê maar) 2 maande nie, dan kan die statiese weergawe altyd die uitgedateerde weergawe vervang.
• Enige gebruiker wat 'n portaal oprig is dan ook verantwoordelik vir die instandhouding/opdatering daarvan (let wel: verantwoordelik daarvoor, nié die "eienaar" daarvan nie).
• Ons moet ook 'n duidelike reël maak vir wat vir 'n portaal kwalifiseer en wat nie. Ek voel dat ons voorkeur aan "hoofvlak"-onderwerpe moet gee, dus eerder "Suid-Afrikaanse kunstenaars" as "Johan Stemmet".
• 'n Ko-ordinasieblad waarop alle portale gelys word, saam met die gebruiker wat verantwoordelik is daarvoor.

Graag wil ek diegene wat ten gunste van portale is uitnodig om 'n stel riglyne op te stel (kyk gerus na die riglyne van ander WP's, maar onthou om dit so te wysig dat dit op die Afrikaanse Wikipedia van toepassing is). Portale wat nie aan die riglyne voldoen nie, kan vir verwydering genomineer word (die laaste ding wat ons nodig het is sleg deurdagte bladsye wat hier lê en stagneer en afbreuk doen aan die ensiklopedie). Anrie (kontak) 10:00, 8 Junie 2010 (UTC)

Anrie, dankie vir jou belangstelling in hierdie kwessie. Ek dink dat portale moontlik 'n aanwins vir hierdie projek sal wees, aangesien dit belangrike artikels verwant tot 'n breër onderwerp byeen bring en 'n area skep waar toegewyde besprekings aangaande die toestand van daardie familie artikels kan plaasvind. Volgens my sal dit veral bydraes van gebruikers lok wat hoofsaaklik in een onderwerp belang stel en sal die toegewyde portale hulle sodoende motiveer om aan die verwante artikels by te dra en aan die relevante besprekings deel te neem. Ek het egter in die verlede al naïewe voorspellings gemaak en ek moet sê dat alhoewel ek elke bydrae tot die projek waardeer, die Afrikaans-talige publiek nog nooit daarin gefaal het om my verwagtinge te ondertref nie, wat hul betrokkenheid by Wikipedia betref. Wat ek probeer sê, is dat ek dink portale 'n goeie idee is, maar dat die moontlike aanwins tot die projek beperk mag wees. Is dít hoekom sommige gebruikers teen die instelling van portale gekant is? Kan jy ons asb. van die skakels voorsien waar die ou besprekings rondom die portale plaasgevind het en waar die konsensus bereik is, asook waar gebruikers nou tot die skryf van die nuwe riglyne kan bydra? — Adriaan (Bespreking • Bydraes) 16:28, 16 Junie 2010 (UTC)

Haai, Adriaan. Jy kan die vorige gesprek hier lees (geselshoekie-argiewe). Enige riglyne kan seker by Wikipedia:Portale of Wikipedia:Portaalriglyne geplaas word. Ek het so 'n week gelede begin om dié van die ander Wikipedias te vertaal, maar danksy 'n tegnologiese blaps het ek dit verloor. Anrie (kontak) 07:47, 19 Junie 2010 (UTC)

Klink my of julle eerder mense wil afskrik as om hulle te help om geordende portale te skep. Hoekom kan mense wat portale wil oprig en/of in stand hou dit nie maar net doen nie? As riglyne nodig is kan dit mos maklik (en soos benodig) vanaf 'n ander wikipedia oorgeklank word. Sekere portale sal van nature relatief staties wees (glad nie die einde van die wêreld nie). Elke portaal kan mos op eie tyd bygewerk word - daagliks, weekliks, maandeliks, jaarliks of wat ook al. Baai (Adriaan, onthou om my IP-adres hier by te tik - dankie boet!)– Hierdie ongetekende kommentaar is deur 41.240.176.18 (Bespreking • Bydraes) gelewer.

As mense maak soos hulle wil, kry mens chaos. Voorkoming is immers beter as genesing - mens bespaar jouself baie frustrasie as jy vooraf konsensus bereik op riglyne, waarna mens dan kan verwys, as wat jy agteraf skielik moet gaan soek vir reëls wanneer daar aangejaag word. Portale kan inderdaad op hulle eie tyd bygewerk word, maar 'n Suid-Afrikaanse portaal wat teen Mei 2011 steeds die Sokkerwêreldbeker onder "Aktueel" het, doen afbreek aan die ensiklopedie. Anrie (kontak) 07:47, 19 Junie 2010 (UTC)

Oorregulering verjaag bydraers. As mense nie kan "maak soos hulle wil" nie sal niemand ooit hier bydrae sonder betaling nie. Solank mense ordelik en opbouend "maak soos hulle wil" is geen sulke riglyne nodig nie. Dit is veral in die begin eerder nadelig as voordelig. Ek weet julle stel nie regtig in my opinie belang nie, so julle moet maar maak soos julle smaak. Baai. (Adriaan se spasie)– Hierdie ongetekende kommentaar is deur 41.240.176.18 (Bespreking • Bydraes) gelewer.

Dit maak dit makliker vir ander gebruikers om jou bydraes na te gaan en om jou IP-adres se besprekingsbladsy te bereik. — Adriaan (Bespreking • Bydraes) 18:01, 16 Junie 2010 (UTC)

Jy is reg. Ons almal doen maar wat ons moet. Weet net die hoekom die dêm ding elke paar dae verander nie. Baai. (doen jou ding)– Hierdie ongetekende kommentaar is deur 41.240.176.18 (Bespreking • Bydraes) gelewer.

Ek is nou al 'n jaar lank verantwoordelik vir die instandhouding van die Duitse Wikipedia se portaal oor Litaue en baie tevrede daarmee. Portale bied vir lesers 'n maklike en vinnige toegang tot alle hoofartikels en ander inligting met betrekking tot 'n bepaalde vakgebied of onderwerp - regstreeks vanaf die tuisblad.

Die probleem met portale lê myns insiens meestal nie soseer met riglyne of gereelde hersiening nie (ek loer daagliks in op "my" portaal soos daar van my verwag word), maar met die uitleg, informatiewe inhoud en redaksionele bydraes. Elkeen het sy eie voorkeure en afkeure...

Daar is dus nog klein probleempies hier en daar. Moontlik is die Litause portaal vir sommige gebruikers al te lank. Persoonlik hou ek egter eerder van 'n bietjie afrolwerk op die webblad as van 'n kort blad waar honderdtalle skakels dig bymekaar ingevleg word. Aangesien die enigste gereelde Litause bydraer 'n regsgeleerde is, het die aantal skakels na regsverwante onderwerpe intussen te groot geraak sodat ek dit 'n bietjie aangepas en verkort het.

Dan is daar ook steeds weer portale soos dié oor Letland wat in 'n betreurenswaardige toestand verkeer (slegte uitleg, geen tegniese instandhouder nie). Moontlik sal ek daarna moet omsien.

Anders as wat ek sou verwag het, toon juis Duitsers, Noord- en Oos-Europeërs groot belangstelling in ons taal en kultuur en dus ook in ons projek, al het min van hulle voldoende Afrikaanse taalvaardigheid om hier te kan bydra. Die Afrikaanse Wikipedia se uitgebreide artikels oor Russiese, Poolse, Duitse, Litause, Noorse, Sweedse onderwerpe ens. kry al positiewe reaksies - hierdie lande is dan ook moontlik gepaste kandidate vir ons eerste portale (net soos sterrekunde en ander vakgebiede waar ons reeds genoeg artikels het wat in 'n portaal versamel kan word). Mits ons die projek doelbewus uitbou en verbeter, dra ons met ons beskeie middele 'n duidelike boodskap vir Suid-Afrikaners, Namibiërs en mense in oorsese lande oor: Afrikaans kan maklik as tweede of verkeerstaal aangeleer word, is dikwels 'n meer gepaste medium as Engels vir kommunikasie met buitelanders wat al kennis van Duits of Nederlands het, en sal op enige gebied met Engels of ander tale kan meeding. --Voyageur (kontak) 00:11, 24 Junie 2010 (UTC)

Ek het geen probleem dat ons portale begin skep nie en ek voel as volg oor van die sake genoem:

• Ek dink portale sal waarde toevoeg tot ons Wikipedia
• Ek stem ook saam dat die "riglyne" nie te streng moet wees nie, maar dat daar wel riglyne moet wees.
• Portale moet net soos artikels vir verwydering gelys kan word

• Portale moet asb nie "nuusblaaie" word wat elke dag/week opgedateer moet word nie, hierdie is egter 'n ensiklopedie.

Groete, Arno (kontak) 14:33, 1 Julie 2010 (UTC)

Google street view for SA!

Google street view is now available for South Africa! Pretty much all the major cities plus the hoofstrate van kleiner dorpies are included. (however Pofadder is not included :-() Ben Bezuidenhout (kontak) 13:36, 8 Junie 2010 (UTC)

Ag, nou't ek 'n heerlike reis terug in die tyd geneem, alhoewel sommige plekke al baie verander het. Anrie (kontak) 13:55, 8 Junie 2010 (UTC)

Internetoplossings (advertensie)

'skuus Dat ek so adverteer. Ek wil net met die gemeenskap deel dat daar tans 'n baie goedkoop opsie op die mark is om aan die internet te verbind as jy 'n telefoonlyn het. By Axxess kan jy vir R19 per maand 1 GB toegang kry (jy kan natuurlik meer koop). Ek het gister vir my so 'n gigagreep aangeskaf en dit was 'n baie vinnige proses — hulle benodig net jou kredietkaartbesonderhede en jy is binne 'n minuut aan die net verbind. Dan is daar ook Afrihost wat 1 GB vir R29 per maand aanbied — maar elke maand het hulle 'n "koop een, kry een gratis"-promosie, wat die prys van 1 GB dus op R14.50 te staan bring (verkieslik vir mense wat baie gaan aflaai). Die enigste struikelblokkie by Afrihost is dat hulle benewens jou kredietkaartbesonderhede ook 'n afskrif van jou ID benodig. Jy neem 'n foto van jou ID en SMS dit na die nommer wat hulle jou verskaf — so dit duur effens langer voor jy aan die net verbind, maar dit is nietemin 'n goedkoop en relatief maklike manier van verbind. Ek het hierdie produk vir so paar maande sonder probleme gebruik, so ek kan dit ook aanbeveel! Ek hoop dis van enige hulp aan diegene wat tans R80 per GB betaal! — Adriaan (Bespreking • Bydraes) 19:02, 22 Junie 2010 (UTC)

Vir jou straf sal jy ten minste 5 nuwe Internet verwante artikels moet skep :-) Groete. Anoniem– Hierdie ongetekende kommentaar is deur 41.240.172.180 (Bespreking • Bydraes) gelewer.

Goeie idee! — Adriaan (Bespreking • Bydraes) 19:10, 22 Junie 2010 (UTC)

Vestig julleself in Letland, Litaue of Estland, betaal minder en kry meer! ;) Al word mens hier in die noordooste nog deur resessie, werkloosheid en hoë emigrasiesyfers gepla (Jurgis, kom huistoe!), spog ons met van die beste breëbandinfrastruktuur en hoogste aflaaispoed ter wêreld:

Latvia has fastest broadband in EU --Voyageur (kontak) 00:37, 24 Junie 2010 (UTC)

Photo request: Airways Park, South African Airways HQ, Jo'burg

Hello! I have a photo request asking for an image of Airways Park, the South African Airways head office on the grounds of OR Tambo Airport in Johannesburg, South Africa, so the South African Airways article can have photos of the airline's head office.

This Google Maps View shows where the building is, and what it looks like. You can use a similar camera angle, as long as you capture the SAA logo on the building somehow.

Thank you, WhisperToMe (kontak) 00:38, 27 Junie 2010 (UTC)

Spelfout op wikipedia

Hoekom staan daar by die logo, Wikipedia en nie Wikipedië nie?, sal dit nie baie meer Afrikaans klink nie, ons gebruik tog nie daardie "IA" klank nie.

Wikipedia is 'n eienaam van die oorkoepelende organisasie. Indien dit na Afrikaans vertaal sou word dink ek dit sou eerder Wikipedie (enkelfout) wees. Tans blyk die besluit te wees dat ons die eienaam hou maar dit is sekerlik oop vir verdere bespreking ... Arno (kontak) 10:58, 12 Julie 2010 (UTC)

Bietjie van die os op die jas. Kan 'n mens nie dalk die term bykomende tyd gebruik by die In die nuus-hokkie op die voorblad eerder as ekstra tyd nie (die punt op die stiplys van Spanje en Nederland in die eindstryd)? Dit val vir my beter op die oor. Puvircho (kontak) 11:07, 12 Julie 2010 (UTC)

Ek sal baie graag met jou daaroor wil debateer Arno, jy sien, indien Wikipedia 'n eienaam is soos jy tans sê dan sal Wikipedië die regte terme wees, maar indien dit 'n soortnaam is dan sal Wikipedie die regte een wees.

2 voorbeelde hoekom ek so sê, ons het nie die ia klank in Afrikaans nie, nou ja,

California word Kalifornië

Australia word Australië

Rhodesia word Rhodesië en daar is talle ander voorbeelde van eiename.

Maar nou ja as ons na

kinderensiklopedie of

ensiklopedie Britanje gaan kyk dan is die alles soortname.

Daar is tog nie 'n soort wikipedia nie.

Maar in elk geval dit maak seker nie saak nie, ek sal baie graag verkies om die eienaam te verAfrikaans en Wikipidië of Wikipedië (afhangendewatter spelling meer korrek mag wees) is baie meer glad op die tong as wikipedie.

N.S. Ek ding die regte terme i.p.v bykommende tyd is beseringstyd (soos dit altyd in Rugby genoem was, voor hulle dit geskrap het)

Groete,

--Zulgin (kontak) 11:35, 17 Julie 2010 (UTC)

"Wikipedië", of dit nou 'n soortnaam of eienaam is, dui op meervoud - die verafrikaanste vorm sal "Wikipedie" wees (samesmelting van "wiki"+"ensiklopedie"). "Wikipedia" is 'n eienaam, gekies deur die stigters. Ek weet nie of dit moontlik of wys is om dit in hierdie laat stadium te verander nie (sou in elk geval nie sonder goedkeuring van die stigting kan gebeur nie). Ons staan nou al byna nege jaar as "Wikipedia" bekend, dus sou ek 'n naamverskuiwing nou slegs verwarrend vind. Anrie. 145.102.11.203 10:31, 19 Julie 2010 (UTC)

Daar is 'n verskil tussen beseringstyd en ekstra of bykomende tyd in sokker. Ekstra tyd is 'n ekstra halfuur wat gespeel word in wedstryde sonder 'n wenner as daar 'n wenner moet wees, ongeag of daar beseringstyd was of nie. Winston (kontak) 17:50, 19 Julie 2010 (UTC)

omrede spelling van die woord "game"

Ek wil graag weet by julle of die woord Gheim/Game al aanvaar is as 'n leenwoord in Afrikaans of praat ons nog steeds van 'n spel?

Ek moet bieg ek het nog nooit van 'n gheim gehoor nie. Gebruik eerder rekenaarspeletjie, speletjie of spel. En as jy regtig moet, gebruik "game" (tussen aanhalingstekens) om aan te dui dit is nie 'n Afrikaanse woord nie. Groete. Anoniem

ek het hom al 'n paarkeer aanlyn gehoor en gewonder of dit maar net 'n persoon is wie probeer om sy woordeskat te verafrikaans of net eenvoudig nie kan spel nie, maar baie dankie

Groete,

Zulgin (kontak) 08:37, 19 Julie 2010 (UTC)

Vertaalhulp verlang

Is hier dalk persone wat bereid is om te help om 'n aanlyn-speletjie in Afrikaans te vertaal? Dit is gratis en maklik en dra by om Afrikaans op die internet te bevorder - registreer by hier en sit skouer aan die wiel! Vele hande maak ligte werk. By voorbaat baie dankie. Graaf (kontak) 15:53, 21 Julie 2010 (UTC)

Ek hou van die "verifieer" stelsel wat hulle gebruik. Nie so seker oor die tydlimiet wat hulle daaraan koppel nie, dit kan onnidige ekstra werk veroorsaak. Het darem al so paar bydraes gemaak. 146.232.75.208 09:45, 23 Julie 2010 (UTC)

Baie dankie, dis 'n baie groot projek, so elke bietjie hulp word waardeer!Graaf (kontak) 18:10, 23 Julie 2010 (UTC)

ek sal met graagte help, ek wou al lankal speletjies soos dota vertaal het, as die duitsers en franse dit kan reg kry hoekom dan nie ook ons nie ?

Zulgin (kontak) 19:10, 23 Julie 2010 (UTC)

Insane Clown Posse

(en:Insane Clown Posse)

Insane Clown Posse, Groete. Anoniem