Kwagga

'n Foto van 'n kwagga, Londen Dieretuin, 1870.

Die kwagga is 'n uitgestorwe subspesie van die sebra familie, wat eens in groot getalle in Suid-Afrika se Kaapprovinsie en die suidelike dele van die Oranje Vrystaat voorgekom het. Dit kon onderskei word van ander sebras deur die kenmerkende swart en wit strepe slegs aan die voorkant van die lyf. By die middellyf verdof die strepe met die donkerder, tussenstreep spasies wat wyer word, en dan volg die agterkant wat eenvoudig bruin vertoon. Die naam is afgelei vanaf die Khoikhoi woord vir sebra, wat soos die klank naboots, die kwagga se roep weerklink. Die enigste kwagga wat lewendig gefotografeer was, was 'n merrie by die Soölogies Genootskap van die Londense Dieretuin in 1870.