Encyclopædia Britannica: Verskil tussen weergawes
JMK (besprekings | bydraes) vertaal uit en |
(Geen verskil)
|
Wysiging soos op 10:08, 20 Augustus 2010
Die Encyclopædia Britannica (Latyn vir "Britse Ensiklopedie") is 'n algemene Engelstalige ensiklopedie gepubliseer deur Encyclopædia Britannica, Inc., 'n private maatskappy. Artikels is gemik op geletterde volwassenes, en word geskryf deur ongeveer 100 voltydse redakteurs en meer as 4,000 spesialisbydraers. Dit word beskou as die mees deskundig onderlegde ensiklopedie.[1][2]
Die Britannica is die oudste Engelstalige ensiklopedie wat steeds in druk is.[3] Dit is vir die eerste keer gepubliseer tussen 1768 en 1771 in Edinburg, Skotland, en het toegeneem in gewildheid en omvang, sodat die derde uitgawe (1797) en aanhangsel daarvan (1801) twintig bande beslaan het.[4][5][6] Die opgang in aansien het bygedra tot die werwing van toonaangewende bydraers, en die 9de uitgawe (1875–1889) en die 11de uitgawe (1911) was 'n baken in terme van geleerdheid en letterkundige styl.[5] Beginnend by die 11de uitgawe, is die Britannica se artikels verkort en vereenvoudig ter wille van groter aanvaarding in die Noord-Amerikaanse mark.[5] In 1933, het die Britannica die eerste ensiklopedie geword om "deurlopende hersiening" te aanvaar, waarvolgens die ensiklopedie onverpoos herdruk word, en elke artikel geskeduleerd opdateer word.[6]
Die mees onlangse uitgawe, die 15de, beskik oor 'n unieke drieledige samestelling: 'n 12-bundel Micropædia van kort artikels (meestal minder as 750 woorde), 'n 17-bundel Macropædia van langer artikels (twee tot 310 bladsye) en 'n enkelband Propædia wat 'n rangordelike raamwerk van kennis verskaf. Die Micropædia is gemik op vinnige naslaan van feite en as 'n gids tot die Macropædia; lesers word aangeraai om die Propædia-raamwerk te raadpleeg om die onderwerp se konteks te verstaan en sodoende meer spesifieke artikels op te spoor.[7] Die grootte van die Britannica het vir 70 jaar min of meer konstant gebly, en bevat ongeveer 40 miljoen woorde en 'n halfmiljoen onderwerpe.[8] Alhoewel dit sedert 1901 in die Verenigde State gepubliseer word, het die Britannica Britse spelwyse behou.[1]
Die Britannica het moeite ondervind om winsgewend te bly.[3] Sekere artikels in vroeëre uitgawes is gekritiseer betreffende sorgvuldigheid, vooroordeel of ongekwalifiseerde bydraers.[5][9] Die akkuraatheid van dele van die huidige uitgawe is eweneens onder verdenking geplaas,[1][10] maar die bestuur van Britannica het teenargumente op die kritiek gelewer.[11]
Verwysings
- ↑ 1,0 1,1 1,2 Kister, KF (1994). Kister's Best Encyclopedias: A Comparative Guide to General and Specialized Encyclopedias (2nd uitg.). Phoenix, Arizona: Oryx Press. ISBN 0897747445.
- ↑ Verwysingfout: Invalid
<ref>tag; no text was provided for refs namedsader_1995 - ↑ 3,0 3,1 "Encyclopedias and Dictionaries". Encyclopædia Britannica (15th edition) 18. (2007). Encyclopædia Britannica, Inc.. 257–286.
- ↑ Frank A. Kafker and Jeff Loveland, eds., The Early Britannica: The Growth of an Outstanding Encyclopedia (Oxford: Voltaire Foundation, 2009).
- ↑ 5,0 5,1 5,2 5,3 Kogan, Herman (1958). The Great EB: The Story of the Encyclopædia Britannica. Chicago: The University of Chicago Press. Sjabloon:LCCN.
- ↑ 6,0 6,1 Verwysingfout: Invalid
<ref>tag; no text was provided for refs namedencyclopedia_1954 - ↑ The New Encyclopædia Britannica (15th edition, Propædia uitg.). 2007. pp. 5–8.
- ↑ The New Encyclopædia Britannica (15th edition, Index preface uitg.). 2007.
- ↑ Verwysingfout: Invalid
<ref>tag; no text was provided for refs namedburr_1911 - ↑ Verwysingfout: Invalid
<ref>tag; no text was provided for refs namedGiles_Nature_study_2005 - ↑ Verwysingfout: Invalid
<ref>tag; no text was provided for refs namedfatally_flawed