Namur (provinsie)

Ligging van die provinsie Namen

Rochers de Freÿr, Freÿr

Namen (Frans: Namur, Wallonies en Pikardies: Nameur) is 'n Belgiese provinsie in Wallonië. Die provinsie tel sowat 465 000 inwoners (2008), het 'n oppervlakte van sowat 3 666 km² en 'n bevolkingsdigtheid van 127 inwoners per km². Die hoofstad is Namen (Namur).

Namen lê in die suide van België en grens aan Frankryk. Deur die provinsie vloei die Samber- en Maasriviere.

In die suide lê die Ardenne. In die midde lê westelik van die Maasrivier die Fagne en oostelik die Famenne. In die noorde lê westelik van die Maasrivier die Marlagne en oostelik die Condroz.

In Namen word Frans gepraat. In die uiterste weste word ook Pikardies gepraat en in die uiterste suidooste ook Champenois (gemeente Vresse-sur-Semois).

Administratiewe arrondissemente

Namen tel drie administratiewe arrondissemente:

• Arrondissement Dinant (Arrondissement Dinant)
• Arrondissement Namen (Arrondissement Namur)
• Arrondissement Philippeville (Arrondissement Philippeville)

Eksterne skakels

• (fr) Die amptelike webwerf van die provinsie Namen
• Ligging: 50°28′0″N 4°51′0″O