Trem

Trem PESA 120N

'n Trem (Engels: tramway, tram; Nederlands: tram) is 'n openbare personevervoerstelsel op spore wat gewoonlik deur elektriese enjins aangedryf word. Die elektriese enjins betrek die krag van oorhoofse kabels. Gewoonlik ry 'n trem op spoorweë wat op die openbare weg lê sodat die trem tussen die ander verkeer ry. In dié geval word 'n trem met rigtingsaanwysers en remligte uitgerus.

Geskiedenis

Trein van Siemens & Halske

Die eerste tremstelsel is op 26 November 1832 in Manhattan/ New York opgerig en deur perde getrek. Die spoorstawe was 15 cm hoog en 'n groot belemmering vir die verkeer. Die perdetrem het eers vir ander stede populêr geword na dat Alphonse Loubat in 1852 die groefspoor ontwikkel het, waardeur die spore gelyk met die oppervlakte van die straat gelê kon word. Daarna het die eerste stoomtrems gevolg.

Die eerste elektriese tremstelsel ter wêreld is op 16 Mai 1881 in Berlyn opgerig. Werner von Siemens het die eerste waens ontwikkel. Die waens was 4,3 m lank en het op 'n roete van 2,5 km gery. Die topsnelheid van die trem was 20 km/h.

Na die Tweede Wêreldoorlog was tremstelsel in Europa nie meer populêr nie. Baie stede het die tremlyne deur busvervoerstelsel vervang. Maar nou beleef die trem in Europa 'n renaissance.

Bronne

• Feitegids-'n Kernensiklopedie (Kaapstad: 2007)
• Wikipedia Duits: Straßenbahn [1]
• Wikipedia Engels:tram[2]
• Wikipedia Nederlands: tram [3]