The Verve: Verskil tussen weergawes

in Wikipedia, die vrye ensiklopedie
Content deleted Content added
k robot Bygevoeg: uk:The Verve
D'ohBot (besprekings | bydraes)
k robot Bygevoeg: fa:د ورو
Lyn 69: Lyn 69:
[[en:The Verve]]
[[en:The Verve]]
[[es:The Verve]]
[[es:The Verve]]
[[fa:د ورو]]
[[fi:The Verve]]
[[fi:The Verve]]
[[fr:The Verve]]
[[fr:The Verve]]

Wysiging soos op 15:21, 8 September 2010

The Verve
The Verve op Pinkpop 2008 te Landgraaf.
GenresSpace rock, britpop, rock
Jare aktief1990–1995
1996-1999
2007–2009
EtiketteHut Records, Virgin Records, Vernon Yard
Webwerfwww.theverve.co.uk

The Verve is 'n Britpopmusiekgroep wat in 1989 opgerig is. Die groep het in 1997 beroemdheid verwerf met hul nommer "Bittersweet Symphony".

Geskiedenis

Oprigting en sukses

The Verve is in 1989 deur Richard Ashcroft in die Britse stad Wigan opgerig. Die groep het vinnig bekend geraak, danksy Ashcroft se lirieke en die kitaarspel van Nick McCabe bekend geraak. In 1992 is die groep se eerste LP vrygestel, naamlik Verve EP (Hut Records), wat nog altyd as een van die mees eksperimentele Verve-albums gesien word. Hierna is albums uitgebring wat die stryd met groepe soos Oasis, Blur en Radiohead aangesê het.

Dwelmdramas, regsake en gesondheidsprobleme het die groep geteister, maar The Verve het vier albums uitgebring en het wêreldwyd verskeie treffers gehad. Desondanks het die groep in 1999 die beëindiging van die groep aangekondig.

Onderbreking

Na die opbreek van The Verve het kitaarspeler Simong Tong en baskitaarspeler Simon Jones, tesame met John Squire, die groep The Shining gestig. Hierdie groep het egter nooit van die grond gekom nie. Tong het indertyd ook nog permanente kitaarspeler Graham Coxon in die groep Blur vervang.

Die vaste kitaarspeler van The Verve, Nick McCabe, het homself meestal op die agtergrond gehou. Enkele male het hy egter tog op die verhoog met The Music verskyn.

Tromspeler Peter Salisbury het nog enkele male met Richard Ashcroft saamgewerk en het bowendien in 2004 tydelik lid van Black Rebel Motorcycle Club geraak.

Verve-oprigter Ashcroft het naas bogenoemde Salisbury ook enkel musikale eksperimente met B.J. Cole gehad. In April 2000 is sy eerste solo-enkelspeler uitgereik, A Song for the Lovers, wat die nommerdrie-posisie op die Engelse Top 40-ranglys behaal het. Die CD's wat hierop gevolg het, het geen meer sukses gehad nie. Op 2 Julie 2005 het Richard Ashcroft nog een keer opgeval toe hy op die Live 8-fees, in samewerking met Coldplay, die nommer "Bitter Sweet Symphony" ten gehore gebring het.

Comeback

Nadat die groep in April 1999 gestop het, het hulle in Junie 2007 'n comeback aangekondig. Aan die einde van die somer van 2008 is 'n nuwe album uitgebring, en in November het die groep 'n musiektoer deur Engeland en Skotland onderneem. Ook het die groep op Saterdag 31 Mei 2008 op Pinkpop en op 4 Julie op Rock Werchter opgetree. Op 4 Augustus 2008 het die nuwe enkelspeler van The Verve, genaamd "Love is Noise", verskyn. "Rather Be" was die tweede enkelspeler van die nuwe album en het in November 2008 verskyn.

Derde Break-up

Op 8 Augustus 2008 het dit bekend geword dat The Verve vir die derde keer uitmekaar gegaan het. Kitaarspeler Nick McCabe en baskitaarspeler Simon Jones het Richard Ashcroft daarvan beskuldig dat hy die reünie vir sy soloprojekte gebruik het. Daarnaas het 'n "bron" in die Sunday Mirror die spanninge tussen Ashcroft en die kitaarspeler en baskitaarspeler verder uitgeskryf.

Sover dit Nick en Simon betref, bestaan The Verve nie meer nie. Hulle dink Richard het die reünie bloot as 'n voertuig gebruik om sy sololoopbaan op dreef te kry. Hul bestuur het Simon en Nick vir 'n krisisvergadering in September ingeroep. Aan hulle is vertel dat Richard geweier het om weer saam met hulle te toer of te werk solank as wat Nick aanhou drink het. Hy het sy storie gou reggekry. Daar was te veel probleme vir hulle om agter hulle te plaas. As Richard terug sou kom met 'n kep in sy hand, sou hulle aan hom sê om te fokof.

Eksterne skakels