Barok

Die Barok was 'n kunssinnige stylperiode wat gewild was van die einde van die 16de eeu tot aan die begin van die 18de eeu. Barok het sy oorsprong in Italië gehad en het die destydse argitektuur, tuinargitektuur, skilderkuns, beeldhoukuns, letterkunde en musiek beïnvloed. Die woord "barok" is van die Portugese woord barroco afkomstig, wat "onreëlmatig gevormde pêrel" beteken. Daar word onderskei tussen die vroeë, hoë en laat-Barok.

Die gewildheid en sukses van die Barokstyl was deur die Rooms Katolieke Kerk aangemoedig, wat van mening was dat die kunste ook godsdienstige temas in direkte en emosionele betrokkenheid moet oordra. Die aristokrate het Barokstyl as 'n kans gesien om besoekers te beïndruk en hul mag en beheer te versinnebeeld. Barokpaleise is voorsien van luisterryke howe en weelderige ontvangskamers.

Voorbeelde van die barokstyl:

• 
  Argitektuur: die Melk-abdy in Oostenryk, deur die argitek Jakob Prandtauer
• 
  Argitektuur: die binnekant van die kapel van Versailles
• 
  Skilderkuns: Aanbidding van die Wyses, deur Peter Paul Rubens
• 
  Beeldhoukuns: 'n Engel, deur Gian Lorenzo Bernini
• Musiek: Brandenburg Concerto No. 3 - 1, deur Bach