Geslagsdimorfie

Dimorfisme is die verskynsel in die natuur dat daar maklik op uiterlike voorkoms onderskeid tussen verskillende geslagte getref kan word.

Dimorfisme by voëls

Dimorfisme by voëls kan wissel van groot uiterlike verskille tot geen duidelike uiterlike verskille nie.

Volstruise vertoon groot kleurverskille tussen die verskillende geslagte - die mannetjies swart en die wyfies vaalbruin. Die patroon is normaalweg dat die mannetjie helderder kleure as die wyfies het. Soms keer die patroon om, soos byvoorbeeld by die Kopereend waar die mannetjie valer en minder aantreklik is en die wyfie die helder wit kop vertoon.

By roofvoëls is dit weer algemeen dat die wyfies heelwat groter en swaarder as die mannetjies kan wees. Op grond van liggaamsgrootte en massa kan die verskillende geslagte van mekaar onderskei word.

Kleiner voëls vertoon meestal weinig uiterlike eienskappe waarmee die verskillende geslagte van mekaar onderskei kan word. Daar is sulke klein verskille tussen die mannetjies en wyfies van byvoorbeeld Koesters, Lewerikke, dat 'n mens nie sommer die geslag van die voël op uiterlike kenmerke kan bepaal nie.