Kosmos

Die antieke en middeleeuse konsepte van die kosmos soos uitgebeeld in Peter Apian se Cosmographia (Antwerpen, 1539)

Volgens die mees algemene opvatting, is 'n kosmos 'n geordende of harmonieuse stelsel. Die oorsprong van die konsep lê by 'n Griekse term κόσμος, wat "geordende wêreld" beteken, en die antitesis is van chaos. Vandag word die woord algemeen aangewend as 'n sinoniem vir die woord Heelal (of "universum", in die geordende sin). Die woorde kosmetiek en kosmetologie het ontstaan uit dieselde woordstam. In Russies en Bulgaars, beteken die woord Космос kosmos wel ook die "buitenste ruimte". In Mandarynse Sjinees, word kosmos vertaal as 宇宙 yuzhou, wat letterlik vertaal beteken ruimte-tyd (宇 yu = ruimte + 宙 zhou = tyd).