Thomas Pringle: Verskil tussen weergawes

in Wikipedia, die vrye ensiklopedie
Content deleted Content added
Lyn 24: Lyn 24:
[[Kategorie:Suid-Afrikaanse joernaliste]]
[[Kategorie:Suid-Afrikaanse joernaliste]]
[[Kategorie:Skotse skrywers]]
[[Kategorie:Skotse skrywers]]
[[Kategorie:Mense volgens land]]


[[de:Thomas Pringle]]
[[de:Thomas Pringle]]

Wysiging soos op 14:33, 7 November 2010

Thomas Pringle

Thomas Pringle (1789 - 1834) is Suid-Afrika se eerste Engelse digter en een van die baanbrekers vir persvryheid.

Hy is in Skotland gebore en woon die Universiteit van Edinburg by, waar hy in aanraking kom met talle bekendes, soos sir Walter Scott en sy toekomstige vennoot, John Fairbairn. Na hy sy hand aan die staatsdiens gewaag het, word hy redakteur van Blackwood's Magazine, maar die vergoeding was so karig dat hy hom by die 1820-Setlaars aansluit en hom op Glen Lynden in die Oostelike Provinsie gaan vestig.

Vanweë teëspoed moet hy egter sy grond verlaat en word bibliotekaris in Kaapstad. Daar kry hy saam met Fairbairn in 1822 verlof om 'n koerant te begin wat die eerste keer in 1824 verskyn. Die South African Journal het die goewerneur, lord Charles Somerset, uit die staanspoor dwars in die krop gesteek. Pringle het geweier om hom aan beheer te onderwerp, maar die publikasie verskyn net twee keer. 'n Akademie, wat Pringle saam met Fairbairn begin, was ook van korte duur.

Pringle keer terug na die Oosgrens en begin skryf oor die teëspoed van die setlaars en help om 'n versoek om 'n hulpfonds vir hulle te begin. In 1826 reis hy na Engeland waar sy pleidooie 10 000 pond vir die sukkelende koloniste invorder.

Hy bring sy laaste jare in Engeland deur waar hy sekretaris van die Anti-Slavery Society word en Somerset se wandade aan die kaak stel. Pringle is egter veral bekend om sy gedigte, die eerste met 'n Suid-Afrikaanse tema, veral Afar in the Desert en The Lion Hunt, wat kritici se belangstelling gewek het met hulle tot nog toe onbekende tema.

Hy sterf aan [[Tuberkulose|tuberkulose}} in Desember 1834 op die ouderdom van 45 jaar. Na sy dood verskyn talle versamelings van sy gedigte, waarvan die eerste in 1837 die lig sien.

Sy oorskot is in Bunhill Fields, 'n begrafplaas in Londen, begrawe, waar hy herdenk is met 'n gedenksteen met 'n elegante opskrif deur William Kennedy.

Die Thomas Pringle-koshuis by Rhodes-universiteit is na hom vernoem asook 'n seminaarkamer by Fairbairn College in Goodwood, Kaapstad.

Bron

  • Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.