Vic Toweel

Victor Anthony Toweel (gebore 28 Januarie 1928 in Benoni, Suid-Afrika, oorlede 15 Augustus 2008 in Sydney, Australië) was 'n Suid-Afrikaanse bokslegende en voormalige kapokgewig-wêreldkampioen.

Toweel is die broer van Willie Toweel, Jimmy Toweel, Fraser Toweel, Allan Toweel en Maurice Toweel. Almal goeie boksers in eie reg: Willie het al vir 'n wêreldtitel geveg; Jimmy was 'n SA kampioen; Alan was een van SA se voorste afrigters; en Maurice 'n puik promotor. Die voorliefde vir boks kom van hulle pa, Michael Joseph Toweel, wat van Libanese oorsprong is.

Amateur loopbaan

Toweel was 'n baie suksesvolle amateur bokser. Hy verloor slegs twee keer in amper 300 gevegte. Hy neem aan die Olimpiese Somerspele 1948 in Londen as 'n kapokgewig deel, maar word tydens die eerste rondte deur Arnoldo Pares van Argentinië uitgeskakel.

Professionele loopbaan

Toweel veg onder noemname soos "Dinamiet," "Benoni se Magtige Muis," die "Benoni Buzzaw," en die "wit Henry Armstrong" vir sy konstante aanvalstyl. Toweel draai pro in 1949 en verower die kapokgewig-wêreldkampioenskappe in 1950 met 'n oorwinning oor Manuel Ortiz.

Lewe na sy boksloopbaan

Toweel tree af in Australië in die 1980's. Hy is op Vrydag oggend, 15 Augustus 2008, op 80-jarige ouderdom in Sydney oorlede.

Trivia

Toweel was die eerste Suid-Afrikaner wat ooit 'n wêreldtitel bekom het. Hy hou die rekord vir die meeste platslaan-houe in 'n titelgeveg. Hy slaan Danny O'Sullivan veertien keer plat voor die geveg in the 10de rondte gestop is. In 'n onderhoud na 'n geveg, vertel Sullivan verslaggewers "Adkeivhaep oi er", net voor hy sy bewussyn verloor.

Eksterne skakels

• Vic Toweel se boksrekord