NG gemeente Johannesburg-Wes: Verskil tussen weergawes

in Wikipedia, die vrye ensiklopedie
Content deleted Content added
Morne (besprekings | bydraes)
No edit summary
Morne (besprekings | bydraes)
Lyn 22: Lyn 22:
*Dr. John Henry Roberts, 1963 - 1966 (vertrek na [[NG gemeente Johannesburg|Johannesburg]], van 1970 professor aan Unisa)
*Dr. John Henry Roberts, 1963 - 1966 (vertrek na [[NG gemeente Johannesburg|Johannesburg]], van 1970 professor aan Unisa)
*Albertus Johannes de Bruyn, 1966 - 1971
*Albertus Johannes de Bruyn, 1966 - 1971
*Salomon Ignatius Strydom, 1972 - 1977
* Cornelis Potgieter Hermanus Olivier, [[22 Januarie]] [[1977]] - 1986 (uit die bediening)
* Cornelis Potgieter Hermanus Olivier, [[22 Januarie]] [[1977]] - 1986 (uit die bediening)
* Hendrik Abel van Rooyen, 1986 - einde (waarna [[NG gemeente Vergesig|Vergesig]])
* Hendrik Abel van Rooyen, 1986 - einde (waarna [[NG gemeente Vergesig|Vergesig]])

Wysiging soos op 20:55, 16 Desember 2010

Ds. JJ Krige, eerste leraar.
Ds. JT Jordaan, vierde leraar.

Die NG gemeente Johannesburg-Wes was 'n gemeente van die Nederduitse Gereformeerde Kerk in die Johannesburgse voorstad Mayfair-Wes wat in 1993 saam met die NG gemeente Brixton ingelyf is in die nuwe NG gemeente Vergesig.

Die ironie van die latere inlywing is dat die ringskommissie van die Ring van Langlaagte op 1 Mei 1944 juis dele van die moedergemeente Brixton afgestig het as die selfstandige gemeente Johannesburg-Wes. Volgens die bepaling van die grenslyne het die moedergemeente se sierlike kerkgebou, wat in die middel jare dertig op die hoek van Indrastraat en St. Albanlaan gebou is, binne die grense van die nuwe gemeente geval. Daarom het die nuutgestigte gemeente 'n pro rata-deel van die oorspronklike boukoste aan die Brixton-gemeente uitbetaal vir die oprigting van hulle kerkgebou in Putneyweg, sowat 500 m noordoos van die ou kerkgebou. Met afstigting het die lidmate van Johannesburg-Wes 871 getel. Ná die samesmelting van die twee gemeentes, het die ou moederkerkgebou 'n Islamitiese sentrum geword en word Vergesig gehuisves in Brixton se kerkgebou, 'n hanetree van die Sentech- oftewel Brixtontoring.

Die jaar 1944 was 'n tydperk van geweldige uitbreidings in die getal NG gemeentes in die destydse Transvaal. In dieselfde jaar is in en om die Goudstad ook die NG gemeente Bezuidenhoutsvallei, NG gemeente Kriel (Maraisburg), NG gemeente Ferndale (later Randburg) en NG gemeente Parkhurst afgestig. In Pretoria is Onderstepoort, Villieria, Quaggapoort en Lyttelton afgestig en elders in die provinsie Krugersdorp-Noord, Sanddrif, Rustenburg-Oos, Bremersdorp, Albertyn en Vereeniging-Wes.

Op 11 November 1944 is die eerste leraar in die persoon van ds. Jacobus Joubert Krige bevestig. Die gemeente het so vinnig gegroei dat Crosby in 1946 afgestig moes word. Met dié afstigting het die pastorie van die moedergemeente binne die grense van die dogtergemeente geval en moes die kerkraad met alle spoed 'n nuwe pastorie laat bou. Die doelmatige pastorie met al die moderne geriewe is in Maart 1947 ingewy.

Die eerste leraar vertrek in Oktober 1948 en op 2 April 1949 word die tweede leraar, ds. L.C. Holtzhausen, in die gemeente bevestig. Hy bly in die gemeente tot 1955 toe hy skakelbeampte van die Suid-Afrikaanse Buro vir Rasseaangeleenthede (Sabra) word. Twee jaar later verlaat hy die bediening.

Hierna besluit die gemeente om 'n kerksaal te bou, veral met die oog op die bearbeiding van die jeug. Bouwerk begin in Oktober 1949. Die ruim saal is op 1 April 1950 teen 'n koste van £900 ingewy.

Teen 1952 berig die gemeente dat die lidmaattal op sowat 920 staan.

Enkele leraars

  • Jacobus Joubert Krige, 1944 - 1948
  • Lucas Cornelis Holtzhausen, 1949 - 1955
  • Willem Daniël Jonker, 1955 - 1958 (later professor aan Unisa, die Teologiese Skool in Kampen, Nederland en aan die Kweekskool op Stellenbosch)
  • Johannes Theodoris Jordaan, 1959 - 1962
  • Dr. John Henry Roberts, 1963 - 1966 (vertrek na Johannesburg, van 1970 professor aan Unisa)
  • Albertus Johannes de Bruyn, 1966 - 1971
  • Salomon Ignatius Strydom, 1972 - 1977
  • Cornelis Potgieter Hermanus Olivier, 22 Januarie 1977 - 1986 (uit die bediening)
  • Hendrik Abel van Rooyen, 1986 - einde (waarna Vergesig)

Getal lidmate

  • 1973: doop 755, belydend 1 125
  • 1979: doop 259, belydend 734
  • 1985: doop 190, belydend 638
  • 1990: doop 125, belydend 485

Bronne

  • Olivier, ds. P.L. (samesteller), Ons gemeentelike feesalbum. Kaapstad en Pretoria: N.G. Kerk-uitgewers, 1952.
  • Symington, Johan (et. al.), Jaarboek van die NG Kerke, Tydskriftemaatskappy, Kaapstad, Pretoria en Wellington.