Kali-joega

Kali-joega (Sanskrit: कली यग, letterlik: Ouderdom van Kali, ook bekend as die Duistere Ouderdom), is volgens die Hindoeïsme die laagste van die vier tydperke (Joegas) van ontwikkeling wat die wêreld deurmaak. Die ander is Dvapari-joega, Treta-joega en Krita-joegra.

Die Kali-joega word beheer deur die demon Kali, die nemesis van Sri Kalki, die 10de en laaste avatar van die hindoegod Wisjnoe. Volgens die Wisjnoe-poerana is hy die negatiewe inkarnasie van Wisjnoe.

Volgens die Surja Siddhanta begin Kali Yuga op die middernag van 23 Januarie (volgens die die Gregoriaanse kalender) of 18 Februarie (volgens die die Juliaanse kalender) in die jaar 3102 v.C. Baie hindoes glo dat hierdie die oomblik was waarop Krisjna sy liggaam verlaat het.

Volgens die meeste interpretasies van hindoe-tekste bevind die aarde hom tans in Kali-joega, hoewel ander meen dat die aarde aan die begin van Dvapari-joega staan. Hindoes dink dat die mensdom geestelik degenereer gedurende Kali-joega; dit word meestal aangedui as die Duistere Ouderdom aangesien die mensdom die verste van God staan.