Patriarg Filaret van Moskou: Verskil tussen weergawes

in Wikipedia, die vrye ensiklopedie
Content deleted Content added
Xqbot (besprekings | bydraes)
k robot Verander: ca:Feodor Nikititx Romanov
EmausBot (besprekings | bydraes)
k r2.6.4) (robot Verander: de:Philaret von Moskau
Lyn 31: Lyn 31:
[[be:Філарэт, Патрыярх Маскоўскі]]
[[be:Філарэт, Патрыярх Маскоўскі]]
[[ca:Feodor Nikititx Romanov]]
[[ca:Feodor Nikititx Romanov]]
[[de:Philaret]]
[[de:Philaret von Moskau]]
[[en:Patriarch Filaret (Feodor Romanov)]]
[[en:Patriarch Filaret (Feodor Romanov)]]
[[es:Fiódor Nikítich Románov]]
[[es:Fiódor Nikítich Románov]]

Wysiging soos op 14:15, 20 Januarie 2011

Patriarg Filaret, ’n 19de-eeuse skildery.

Fjodor Nikititsj Romanof (Russies: Фёдор Никитич Романов) (1553 - 1 Oktober 1633) was ’n Russiese bojaar wat tydelik in onguns verval het en toe patriarg van Moskou geword het as Filaret (Russies: Филарет). Hy was die de facto-heerser tydens die bewind van sy seun, Michail van Rusland.

Opgang

Fjodor word in Moskou gebore as die tweede seun van die vooraanstaande bojaar Nikita Romanowitsj Zacharin-Joerijef en is die eerste lid van die familie wat sy van na Romanof verander. Tydens die bewind van sy neef Fjodor I (1584-1598) blink die jong Fjodor Romanof uit as soldaat en diplomaat – in 1590 in die oorlog teen die magte van Johan III van Swede, en van 1593 tot 1594 in onderhandelinge met die ambassadeurs van die Romeinse keiser Rudolf II. Hy word in 1583 ’n bojaar.

Toe tsaar Fjodor sonder erfgename sterf, is hy die gewilde keuse vir die troon, maar hy berus in die verkiesing van Boris Godoenof. Drie jaar later dwing Godoenof hom en sy vrou, Ksenia Sjestowa, om kloostergeloftes af te lê onder die name Filaret en Martha.

Filaret bly onder die strengste aanhouding in die Antonijef Sijski-klooster in die noorde van Rusland, waar hy blootgestel word aan elke denkbare vernedering. Toe Vals Dmitri I die Godoenofs se bewind omvergooi, laat hy Filaret vry en stel hom aan as biskop van Rostof (1605).

In 1609 word Filaret deur Vals Dmitri II aangewys as patriarg. Van 1610 af is hy ’n gevangene van die Poolse koning Sigismund III Wasa, wat hy geweier het om as tsaar van Moskowië te erken toe hy in 1610 op ’n afvaardiging na die Poolse kamp gestuur is. Op 13 Februarie 1619 word hy vrygelaat met die wapenstilstand van Deulino en op 2 Junie in dieselfde jaar word hy ingeseën as patriarg van Moskou en die hele Rusland.

Bewind

Sedertdien, tot met sy dood, het Moskowië in werklikheid twee heersers, tsaar Michail en sy pa, die "heiligste patriarg Filaret". Teoreties is hulle mede-heersers, maar Filaret gaan dikwels ooreenkomste aan sonder om die tsaar te raadpleeg. Sy belangrikste binnelandse maatreël is om die landbouers aan die grond te bind om sodoende die groter wordende aantal verdrukte lyfeienes te keer om na die steppe uit te wyk waar hulle Kosakke word in plaas van belastingbetalers.

Filaret se beywering vir die reinheid van ortodoksie laat hom soms buitensporig optree, maar hy moedig die publikasie van teologiese werke aan en beveel dat elke aartsbiskop ’n kweekskool moet stig, en hyself stel die voorbeeld. Hy herorganiseer ook die Moskowiese leër met behulp van buitelandse offisiere.

Kinders

Fjodor Romanof het ses kinders gehad: