Antoine Lavoisier

Antoine Laurent Lavoisier

Antoine Laurent Lavoisier (Parys, 26 Augustus 1743 – aldaar, 8 Mei 1794) was 'n Franse chemikus. Hy was die eerste om die behoudswet vir materie te formuleer. Hy het die element suurstof ontdek en die phlogistonteorie weerlê. Lavoisier word dikwels gesien as die vader van die moderne skeikunde.

Biografie

Hy is in Parys gebore as die seun van Jean Antoine Lavoisier en Émilie Punctis. Lavoisier het van 1754 tot 1761 'n studie in skeikunde, plantkunde, astronomie en wiskunde aan die Mazarin-universiteit in Parys gevolg. Sy eerste publikasie in die chemie het in 1746 verskyn. In 1767 het hy in Elsas en Lotaringe 'n geologiese studie uitgevoer. In 1768 is hy verkies tot lid van die Franse Académie des sciences.

Marie Lavoisier en eggenoot, Portret deur Jacques-Louis David 1788

In 1771 trou Lavoisier met Marie-Anne Pierrette Paulze, net 13 jaar oud. Sy help hom deur Engelse dokumente te vertaal en illustreer sy werke. Vanaf 1775 werk hy vir die koninklike buskruitadministrasie aan die verfyning van die produksieproses van buskruit.

Lavoisier en die politiek

Deur sy studie van die reg raak Lavoisier betrokke by die politiek. Daardeur kry hy 26 jaar oud werk by 'n Ferme Général, 'n "Algemene Plaas", 'n (staats)bedryvigheid wat baie winsgewend is maar ook gehaat vanwee die belastings wat gehef word. Lavoisier poog die monetêre stelsel en die belastinstelsel te hervorm. In sy werk vir die Franse (koninklike) outoriteite neem hy deel aan die ontwikkeling van die metrieke stelsel om die uniformiteit van de mate en gewigte in Frankryk te bevorder.