Vlag van Kenia

Vlag van Kenia

Vlag van Kenia
Gebruik	Nasionale vlag en Burgerlike- en Staatsvaandel
Verhouding	5:9
Goedgekeur	12 Desember 1963
Ontwerp	'n Horisontale driekleur in swart, rooi en groen met wit fraaiings langs die rooi baan met, in die middel van die vlag, twee spiese wat agter 'n rooi, wit en swart Masaïskild gekruis is.
Wisselvormvlag van Kenia
Gebruik	Vlootvaandel
Verhouding	1:2
Ontwerp	'n Wit vlag met die nasionale vlag in die sildhoek en 'n groot rooi anker op die wapperkant.
Wisselvormvlag van Kenia
Bynaam	Lugmagvaandel
Verhouding	2:3
Ontwerp	'n Blou vlag met die nasionale vlag in die sildhoek en die rondeau van die lugmag op die wapperkant.

Die nasionale vlag van Kenia is op 12 Desember 1963 amptelik in gebruik geneem. Die vlag bestaan uit drie ewe wye horisontale bane in swart, rooi en groen met wit fraaiings langs die rooi baan. In die middel vand ie vlag is 'n afbeelding van 'n tradisionele Masaïskild met twee spiese wat agter dit oormekaar gekruis is. Die vlootvaandel is die enigste variasie op die vlag van Kenia. Dit is 'n wit vlag met die nasionale vlag in die skildhoek en 'n groot rooi anker op die wapperkant.

Simboliek

Die Masaïskild met die spiese is die simbool van die stryd om onafhanklikheid en die bereidheid om dit te verdedig. (Die skild verskyn ook in 'n effense gewysigde weergawe op die wapenskild van Kenia.) Swart stel verder ook die Afrikaanse volk voor, rooi stel die gemeenskaplike bloed van die mens asook die stryd om onafhanklikheid voor, groen stel die landbou en natuurlike holpbronne voor en wit stel eenheid en vrede voor.

Ontwerp

Die verhouding van die horisontale bane is 6:1:6:1:6, die skile neem 3/5 van die hoogte van die vlag in beslag en is presies in die middel van die vlag sodat die swart kante van die skild teen die rant van die rooi baan raak.

Konstruksietekening

Die vlootvaandel se verhouding is 1:2 waar die vlag s'n 5:9 is. Die anker op die vlootvaandel moet dieselfde rooi as die rooi baan van die vlag wees.

Ander vlae

• 
  Vlag van Brits Oos-Afrika
• 
  Vlag van die Witu-protektoraat

Britse periode

Tussen 1888 en 1963 was Kenia onder Britse bestuur. In 1888 het die Brist Oos-Afrika Kompanjie die reg van die Sultanaat Zanzibar verkry om 'n grondgebied ongeveer tweehonderd kilometer van dei Keniaanse kus te bestuur. Kragtens die Zanzibarverdrag het die Duitse Keiserryk in 1890 sy regte aan die Britte oorgedra, waarna die Oos-Afrikaanse protektoraat getsig is. Vervolgens het die inlywing van die binneland begin. In 1902 is 'n deel van Uganda aan die Oos-Afrikaanse protektoraat toegevoeg. In 1920 is die Oos-Afrikaanse protektoraat omgevorm tot die kroonkolonie Kenia. Tydens die Brtise bewind (vanaf 1895) is 'n blou Britse vaandel gebruik, bestaande uit 'n blou agtergrond met die Britse vlag in die skildhoek en 'n rooi leeu wat op sy agterpote staan op die wapperkant.

Van 1890 tot 1920 was die streek rondom Witu nie formeel deel van Brits Oos-Afrika nie. Dit het staatsregtelik aan die Sultanaat Zanzibar behoort, maar het na die Zanzibarverdrag 'n Britse protektoraat geword by name die Witu-protektoraat. Hierdie protektoraat was 'n opvolger van Duits Witu wat in 1885 tot stand gekom het. Tussen 31 Julie 1893 en 1920 het die Witu-protektoraat 'n rooi vlag met die Britse vlag in die middel daarvan gebruik.

Onafhanklikheid

Die Keniaanse vlag is gebaseer op die swart-rooi-grien driekleur van die Kenya Africa National Union Party, wat die leidende party om onafhanklikheid van koloniale oorheersing was. By die verkryging van onafhanklikheid is die Masaïskild asook die wit strepe as simbole van vrede toegevoeg.

Eksterne skakels

• (en) Kenia by Flags of the World

Verwysings

Hierdie artikel is in sy geheel of gedeeltelik vanuit die Nederlandse Wikipedia vertaal.