Boegoebergdam

Die Boegoebergdam is geleë in die Oranjerivier, Noord-Kaap, Suid-Afrika naby Groblershoop. Die dam is baie ouer en kleiner as die ander twee bekende damme in die Oranjerivier naamlik die Gariepdam en die Vanderkloofdam.

Geskiedenis

Die dam het onstaan as gevolg van die Groot Depressie toe die Staat openbare projekte geloods het om werk te verskaf aan die groeiende aantal werkloses. Die projek het in Mei 1926 begin en is in 1933 voltooi. Die dam is eintlik 'n keerwal wat 622m lank en 10m hoog is. Die eerste water is in 1934 in 'n kanaal van 121km losgelaat.

Arbeiders

Tydens die hoogtepunt van die bouwerk was daar 250 mans in diens van die projek. Die meeste van hulle het hul families op die terrien gehad. Omrede die dam so ver van ander groot stede was het die mense se lewens om die dam gewentel; in die proses het hulle liedjies gemaak van die Oranjerivier en die dam. Die bekendste hiervan is die liedjie: Boegoeberg se dam is 'n baie lekker dam.
Die naam Boegoe is geneem van die struik boegoe wat in die omgewing groei en wat gebruik word vir huisrate.