Moedertjie

Moedertjie
Regisseur	Joseph Albrecht
Draaiboek	J.F.W. Grosskopf (draaiboek)
Met	Stephanie Faure, Joan du Toit, J. Plaat-Stultjes, Carl Richter en Pierre de Wet
Uitgereik	1931
Land	Suid-Afrika
Taal	Afrikaans

Moedertjie is 'n swart en wit rolprent wat in 1931 uitgereik is. Die rolprent is saam met Sarie Marais een van die eerste twee Suid-Afrikaanse rolprente met klank (beide in Afrikaans). Die rolprent was ook die eerste vollengte-rolprente met Afrikaanse dialoog. Die ander rolprent, Sarie Marais is dieselfde jaar uitgebring, maar bevat slegs Afrikaanse musiek. Die rolprent volg vier jaar na die eerste internasionale klankfilm, "The Jazz Singer", in 1927 vrygestel is.

Hoofrolspelers

• Tante Koester (Moedertjie)
• Hendrik

En andere.

Storielyn

Die rolprent is gebaseer op J.F.W. Grosskopf se toneelstuk, "In die wagkamer", wat handel oor gebeure in 1914 toe 'n groep jong Afrikaners van die platteland na die stad getrek het om na 'n beter lewe te soek.

Moedertjie en haar man reis per trein na Maraisburg om na hulle seun, Hendrik, te gaan soek wat die afgelope twee jaar nog nie huis toe geskryf het nie. Hulle kom na donker op die stasie aan en moet die nag in die wagkamer deurbring waar hulle vreemdelinge ontmoet, elk met sy eie verhaal van hartseer. Almal vind waarna hulle op soek is: 'n kind, 'n verlore liefde, vryheid en aanvaarding, maar nie soos hulle daarvoor gehoop het nie.