Richard Stuttaford: Verskil tussen weergawes

in Wikipedia, die vrye ensiklopedie
Content deleted Content added
Morne (besprekings | bydraes)
Nuwe blad: '''Richard Stuttaford''' ([[Kaapstad, 1870 - 1945) was 'n Suid-Afrikaanse handelaar, kabinetsminister en die seun van Sampson Richard Stuttaford, grondlegger van die afdelingswinkel S...
 
Morne (besprekings | bydraes)
Lyn 8: Lyn 8:
* Rosenthal, Eric. 1978. ''Encyclopaedia of Southern Africa''. Cape Town and Johannesburg: Juta and Company Limited.
* Rosenthal, Eric. 1978. ''Encyclopaedia of Southern Africa''. Cape Town and Johannesburg: Juta and Company Limited.


[[Kategorie:Suid-Afrikaanse sakemanne]]
[[Kategorie:Suid-Afrikaanse sakelui]]
[[Kategorie:Suid-Afrikaanse politici]]
[[Kategorie:Suid-Afrikaanse politici]]

Wysiging soos op 13:50, 9 Augustus 2011

Richard Stuttaford ([[Kaapstad, 1870 - 1945) was 'n Suid-Afrikaanse handelaar, kabinetsminister en die seun van Sampson Richard Stuttaford, grondlegger van die afdelingswinkel Stuttafords.

Stuttaford ontvang sy opleiding in Engeland en Frankryk en sluit hom aan by die handelsfirma, Thorne, Stuttaford & Co, wat sy pa help oprig het saam met sir William Thorne. Buiten as lid van die Kaapse stadsraad en van die Kaapstadse Kamer van Koophandel het hy aanvanklik nie in die openbare lewe belang gestel nie, maar in 1924, toe hy 54 jaar oud was, word hy tot die Volksraad verkies as die lid vir Nuweland teen die Konstitusionele Demokraat, C.A. Lagesen met 'n meerderheid van 702 stemme. In 1929 is hy onbestrede verkies vir dieselfde kiesafdeling en in 1933 weer onbetrede, dié keer as S.A.P.-Koalisie-kandidaat vir Claremont nadat Nuweland tydens 'n herafbakening afgeskaf is. In 1938 wen hy as kandidaat van die Verenigde Party ook in Claremont met 'n meerderheid van 2 052 teen E.M.O. Clough van die Dominiumparty, wat toevallig dieselfde getal stemme op hom verenig het as Stuttaford se meerderheid.

In die Volksraad was sy kennis van die handel van groot waarde en genl. Jan Smuts nooi hom om deel te neem aan die onderhandelings met Britse kommersiële owerhede in Ottawa. In 1942 word hy minister van handel en nywerhede in Smuts se oorlogskabinet. Op 'n heel ander gebied het hy ook naam gemaak as die eerste grondlegger van 'n tuindorp in Suid-Afrika toe hy in 1921 verantwoordelik is vir die stigting van Pinelands naby Kaapstad. Hy is in 1945 oorlede.

Bronne

  • Rosenthal, Eric. 1978. Encyclopaedia of Southern Africa. Cape Town and Johannesburg: Juta and Company Limited.