Rykie van Reenen: Verskil tussen weergawes
AFM (besprekings | bydraes) Nuwe blad: '''Rykie van Reenen''' was een van die grootste Afrikaanse joernaliste van die tweede helfte van die twintigste eeu. ==Agtergrond== Rykie van der Byl van Reenen is op 31 Desember 1923 op... |
No edit summary |
||
| Lyn 1: | Lyn 1: | ||
'''Rykie van Reenen''' was een van die grootste |
'''Rykie van Reenen''' was een van die grootste [[Afrikaans]]e [[joernalis]]te van die tweede helfte van die twintigste eeu. |
||
==Agtergrond== |
==Agtergrond== |
||
| Lyn 26: | Lyn 26: | ||
*BY, Die Burger, Saterdag 27 Augustus 2011 |
*BY, Die Burger, Saterdag 27 Augustus 2011 |
||
*Rabe, Lizette: Rykie. ‘n Lewe met woorde. Kaapstad: Tafelberg, 2011 |
*Rabe, Lizette: Rykie. ‘n Lewe met woorde. Kaapstad: Tafelberg, 2011 |
||
[[Kategorie:Suid-Afrikaanse joernaliste]] |
|||
Wysiging soos op 18:50, 29 Augustus 2011
Rykie van Reenen was een van die grootste Afrikaanse joernaliste van die tweede helfte van die twintigste eeu.
Agtergrond
Rykie van der Byl van Reenen is op 31 Desember 1923 op die plaas Waterkloof in die distrik Darling aan die Weskus gebore. Aan die Universiteit van Stellenbosch behaal sy die B.A.-graad met Afrikaans, Engels en Latyn en ‘n M.A.-graad in Engels, almal met onderskeiding.
Loopbaan
In 1945 tree sy as joernalis in diens by Die Burger en word daar ‘n baanbreker vir die vrou (en veral die Afrikaanssprekende vrou) in die joernalistiek. Alhoewel sy aanvanklik haar beperk het tot vrouesake, het sy mettertyd politieke en sosiale kommentaar gelewer. Veral deur haar bydraes tot die rubriek Van Alle Kante (waar sy in die voetspore van C.J. Langenhoven gestaan het) het sy bekendheid verwerf. In 1965 aanvaar sy ‘n betrekking by die Johannesburgse Afrikaanse dagblad Beeld. Haar rubriek Randakker verskyn in Beeld en later in die Sondagblad Rapport. ‘n Keur uit haar rubrieke is in 1980 gepubliseer onder die titel Op die Randakker. Tydens die Sesdaagse Oorlog in 1967 maak sy naam as oorlogskorrespondent. Nasionale Pers se direksie bevorder haar tot assistent-redakteur van Rapport en word so die eerste vrou in die land in die joernalistiek in so ‘n hoë pos.
Om gesondheidsredes tree sy in 1980 af en vestig haar op Yzerfontein, naby haar geboorteplek. Sy beperk hierna haar skryfwerk hoofsaaklik tot resensies. Op 28 Desember 2003 sterf sy in haar aftreehuis.
Boeke
- Op die Randakker. (1981)
- Heldin uit die vreemde: die verhaal van Emily Hobhouse. Kaapstad: Tafelberg, 1970 (SA gallery, 2)
- Emily Hobhouse – Boer War letters. Kaapstad: Human & Rousseau, 1984
- Alba Bouwer – die lang reis van hart tot hart: ‘n keur uit haar toesprake. Kaapstad: Tafelberg, 1995
- saam met Alba Bouwer en Anna Rothmann: drie versamelbundels uit die werk van M.E.R., naamlik Kom nader, Familiegesprek en ‘n Kosbare erfenis
Bekronings
- eredoktorsgraad in die letterkunde van die Universiteit van Stellenbosch (Desember 1986)
- Scheepersprys vir Jeuglektuur vir Heldin uit die vreemde (1971)
- Markus Viljoen-medalje vir joernalistiek (1982)
- Recht Malan-prys vir die boek Emily Hobhouse – Boer War letters
Bibliografie
- www.StellenboschWriters.com
- BY, Die Burger, Saterdag 27 Augustus 2011
- Rabe, Lizette: Rykie. ‘n Lewe met woorde. Kaapstad: Tafelberg, 2011