Kaapstad-Kasteel (kiesafdeling): Verskil tussen weergawes

in Wikipedia, die vrye ensiklopedie
Content deleted Content added
Morne (besprekings | bydraes)
No edit summary
Morne (besprekings | bydraes)
Lyn 33: Lyn 33:
* Schoeman, B.M. 1977. ''Parlementêre verkiesings in Suid-Afrika 1910-1976''. Pretoria: Aktuele Publikasies.
* Schoeman, B.M. 1977. ''Parlementêre verkiesings in Suid-Afrika 1910-1976''. Pretoria: Aktuele Publikasies.


[[Kategorie:Geskiedenis van Suid-Afrika]]
[[Kategorie:Volksraadskiesafdelings]]
[[Kategorie:Volksraadskiesafdelings]]
[[Kategorie:Politiek van Suid-Afrika]]
[[Kategorie:Politiek van Suid-Afrika]]

Wysiging soos op 10:50, 6 September 2011

Morris Alexander het tussen 1910 en 1943 agt keer in Kaapstad-Kasteel gewen. Net in 1929 se verkiesing het hy nie gestaan nie.

Kaapstad-Kasteel was een van die eerste 150 kiesafdelings vir die eerste Volksraadsverkiesing op 15 September 1910 in Suid-AfrikaUniewording op 31 Mei daardie jaar.

1910-1924

Die Unionisteparty se Morris Alexander wen die eerste verkiesing met 'n meerderheid van 702 bo die onafhanklike B. Upington en die Regerende Party se R. Forsyth. Ook in die ander drie middestad-kiesafdelings van Kaapstad (Kaapstad-Hawe, Kaapstad-Sentraal en Kaapstad-Tuine) het die Unioniste in die eerste verkiesing gewen. In 1915 maak die party weer skoonskip in die middestad-kiesafdelings en in Kaapstad-Kasteel word Morris Alexander onbestrede verkies. In 1920 staan R.E. Farr as onafhanklike teen hom, maar Alxeander wen met 503 stemme nadat net 54,9% van die geregistreerde kiesers gaan stem het. Die eerste keer wen 'n ander party 'n middestad-setel toe R. Forsyth, nou 'n kandidaat vir die Arbeidersparty, die pyp rook in Kaapstad-Tuine.

In 1921, nadat die Suid-Afrikaanse Party en die Unionisteparty saamgesmelt het, word Morris Alexander, wat blykbaar nie te vinde was vir die samesmelting nie, onbestrede as Konstitusionele Demokraat in Kaapstad-Kasteel verkies. In die ander drie kiesafdelings maak die S.A.P. egter skoonskip. Ná die daaropvolgende afbakening staan die kiesafdeling bekend as Kaapstad-Hanoverstraat. In 1924 wen Morris Alexander weereens as Konstitusionele Demokraat, maar met net 124 stemme teen I. Purcell van die S.A.P.

1929-1953

Teen die verkiesing van 1929 is die naam terug verander na Kaapstad-Kasteel. Morris Alexander staan in die verkiesing as Arbeider-Cresswelliet in Kaapstad-Tuine, maar verloor met 144 stemme teen die S.A.P.-kandidaat, C.W.A. Coulter. Die S.A.P. slaag uiteindelik daarin om Kaapstad-Kasteel te wen toe A.J. MacCullum 'n meerderheid van 741 stemme bo die onafhanklike J. Frank behaal. In 1933 is Morris Alexander 'n S.A.P.-kandidaat en word hy onbestrede verkies in Kaapstad-Kasteel. In 1938, ná die totstandkoming van die Verenigde Party, word hy vir daardie party met 'n meerderheid van 1 343 teen H. Snitcher van die Sosialiste Party verkies met R.F. Strange van die Dominiumparty derde met slegs 385 stemme.

In 1943 gaan Morris Alexander weereens onbestrede Volksraad toe, maar voor die verkiesing van 1948 sterf hy op 23 Januarie 1946. In die tussenverkiesing op 4 April 1946 wen A. Bloomberg die setel vir die Verenigde Party met 'n meerderheid van 2 738 stemme. In die tweede plek is weer die Sosialis H. Snitcher. A.W.H. Rose, 'n onafhanklike kandidaat is derde met 597 stemme. A. Bloomberg word dan ook onbestrede verkies in die algemene verkiesing op 26 Mei 1948 en weer in 1953, waarna Kaapstad-Kasteel afgeskaf is.

Partye en kandidate gewen

Sien ook

Bronne

  • Amptelike Jaarboek van die Republiek van Suid-Afrika 1983. 1983. Johannesburg: Chris van Rensburgpublikasies.
  • Schoeman, B.M. 1977. Parlementêre verkiesings in Suid-Afrika 1910-1976. Pretoria: Aktuele Publikasies.